Гурандан аилә хошбәхтлијинин сирри
әввәли гәзетин өтән сајында
Адамлар өзләри евләриндә палтарларыны јујурлар. Һәр бир аилә проблеминин һәллиндә ики һәјат јолдашынын арасында да белә олмалыдыр – үчүнҹү тәрфә мүраҹиәт етмәдән. Бәзи гадынларын сәһви ондадыр ки, онлар өз аилә мүнагишәләринә кәнар адамлары ҹәлб едир ја да һеч ҹүр демәк олмајаны рәфигә вә гоһумларына данышырлар. Белә јанлыш аддымлар она ҝәтириб чыхарырлар ки, аиләдә вәзијјәт ҝәрҝинләшир вә әр арвадына етибар етмир.
Кимјәви тәмизләмә јахуд ҹәмаширханаја мүраҹиәт етмәк о заман ағлымыза ҝәлир ки, ләкәни доғрудан да сәрбәст олараг тәмизләмәк олмур. Һәјатда да беләдир – әҝәр арадакы мүнагишәни һәлл етмәк мүмкүн дејилсә, онда мәсләһәт үчүн мүраҹиәт етмәк олар вә һәтта лазымдыр да. Анҹаг бу, мүдрик, билән адам олмалыдыр, мәсәлән, имам јахуд алим. О, објектив олараг, гәрәзсиз вәзијјәти гијмәтләндирәр вә дүзҝүн мәсләһәт верәр ки, она риајәт етмәк асан вә хош олар, чүнки бу гәрар динимиздән чыхаҹагдыр, һансында ки бүтүн суаллара, һәтта ән мүбаһисәлиләринә дә ҹаваб вардыр. Шүкүр Аллаһа! Јадда сахлајын ки, сизин палтарыныз – сизин палтарыныздыр, о сизин бәдәнинизин параметрләринә ујғундур, вә һәтта әҝәр кимсә башгасы ејни илә беләсини ҝејирсә, о һәр һалда сизин дејил. Әр-арвад ҹүтлүкләри чох еһтијатлы олмалыдырлар, өз анасыны јахуд анасыны мисал ҝәтириб өз әрини ја арвадыны белә олмамагда ҝүнаһландырмаг јолверилмәздир.
Әр өз анасыны арвадында, арвад исә өз атасыны әриндә ахтармалы дејил. Биз ешидә биләрик: «Сән анам кими биширә билмирсән, буну һеч дә белә еләмирләр!», ја да: «Мәним атам мәнимлә шаһзадә ханым кими рәфтар едирди!» - бу ҹүмләләри әр-арвад бирбиринин башына ағыр чәкиҹ кими јағдырырлар. Әҝәр сиз доғрудан да өз ҹүтлүјүнүзү валидејнләринизлә мүгајисә етмәк истәјирсинизсә, онда гој арвадыныз өзүнү өз анасы илә мүгајисә етсин – о өз әринә анасы атасына рәфтар едән кими рәфтар едирми? Әр исә өзүн өз атасы илә мүгајисә етмәлидир, о өз арвадына атасы онун анасына бәсләјән мүнасибәти бәсләјирми. Мүгајисәјә һәр ҹүтлүк өзү јекун вурар. Бир чох адамлар әр-арвад мүбаһисәләрини онунла изаһ едирләр ки, «бу ики нәфәр бирбиринә јарашмыр, онлар олдугҹа мүхтәлифдирләр». Бәзиләри үчүн исә бу һәтта бошанма үчүн бәһанә олур, вә онда дејиирләр: «Хасијјәтләри дүз ҝәлмәди». Анҹаг, әҝәр бу фәргләр нәсә ҹидди бир шеј дејилсә, нә үчүн биз бурада проблем ҝөрмәлијик? Биз һамымыз мүхтәлиф ҹүр јаранмышыг, һәр кәсин хасијјәти фәрди вә тәкраролунмаздыр. Исламда фәргләнмәјә һеч вахт нәсә пис бир шеј кими бахылмамышдыр. Нә писләнирсә, бунлар мүбаһисәләр, антипатија (хоша ҝәлмәмәк, нифрәт) вә дүшмәнчиликдир.
Бәс һамынын бир ҹүр хајала далдығы, арзулар бәсләдији, бахдығы вә ҝөрдүјү дүнјада һәјатын севинҹи нәдәдир? Саплар һөрүлүб парча олур вә нахыш вә фактура јарадырлар. Вә һалбуки саплар мүхтәлиф истигамәтләрдә ҝедир, белә үфгишагули һөрмәсиз (тохумасыз) садәҹә олараг парча алынмаз. Белә тохума јарадыр парчаны. Һәр һансы бир фәргсиз никаһда һеч би гығылҹым олмаз. Бизим фәргләримиз бир-биринә зидд дејил, бир-бирини тамамлајан кими бахылмалыдыр. Вахташыры палтарын бәрпаја да еһтијаҹы олур. Бунлар палтары бүтөв сахлајан кичик сырыглардыр. Әҝәр әр илбоју арвада мәһәл гојмур, она хош сөзләр демир, һәдијјәләр вермир, диггәт јетирмир, сонра исә бир дәфә 8 мартда кичик гәрәнфил ҝәтирирсә, онун ил әрзиндәки инҹикликләри вә етинасызлыглары јаддан чыхарыб кишинин бојнуна дүшмәсинә үмид олмаг ахмаглыгдыр. Әҝәр палтар ҹырыгҹырыг јыртылыбса, бирҹә ијнә вә сап кифајәт дејил. Јалныз ҝүндәлик кичик миннәтдарлыглар, гулағына меһрибан сөзләр вә ојнаг жестләр (әл-гол һәрәкәтләри) издиваҹы мөһкәм вә давамлы сырыглар кими сахлајаҹагдыр.
Бахмајараг ки, палтарыныз сизи исиндирир вә мүһафизә едир, ҝеҹә ону чыхарыб шкафда асмаг лазымдыр. Буна бәнзәр олараг, әр-арвад бир-биринә шәхси мәкан вермәлидирләр ки, өзләрини севҝидән боғулмуш һисс етмәсинләр. «Өләнәҹән севҝи» һөкмән өлүмлә нәтиҹәләнмәли дејил, амма ки һәддиндән артыг сыртыглыг, өзүнү ҝөзә сохмаг һәр икисини бәдбәхт еләјә биләр. Баша дүшмәк лазымдыр ки, бахмајараг ки әр-арвад бағлыдырлар, сизин һәр бириниз – фәрд, шәхсдир, вә һәр кәсә бәзән өзү үчүн вахт тәләб олунур. Вә нәгәдәр тез сиз өз јарынызын бу еһтијаҹыны баша дүшсәниз, издиваҹда о гәдәр хошбәхт оларсыныз. Инди јалныз бир аналоҝија (охшарлыг) галыр ки, бүтүн «палтар» мәҹазыны тәһлүкә алтына гојур. Көһнә палтары дәјишмәк вахты ҝәләндә бәс нә етмәли? Әҝәр бу, сизин әһвалатыныздырса, онда арвадыныза тәзә ҝејим алмағын вахты чохдан чатыбдыр, әҝәр сиз арвадсынызса, онда әринизә ән ҝөзәл көјнәји бағышлајын! Хошбәхт олун!
ӘМИНӘ ЈЕВПАТОВА
