Һөвлә бинт Һаким
Гуранда инанан адландырылмыш
Һөвлә бинт Һаким ибн Үмәјјә әс-Сүламијјә – шанлы гадын сәһабәдир. О, Исламы тез гәбул етмишдир. Онун күнјәси (ләгәби) – Үмм Шәригдир. О, мүһаҹирләрин ҝөркәмли рәһбәрләриндән бири, Аллаһын ﷻ мүттәги јахын адамларындан бири, әл-Баги гәбристанлығында илк дәфн олунмуш Осман ибн Мәзунун зөвҹәсидир.
Онун оғлу әс-Саиб ибн Осман ибн Мәзун Исламы лап башланғыҹда гәбул етмиш, Ефиопијаја (Һәбәшистана) көчмүш, Аллаһ Рәсулу ﷺ илә әһәмијјәтли (мүһүм) һадисәләрдә иштирак етмишдир. Диҝәр оғлу Абдурәһман ибн Осман ибн Мәзун
– Пејғәмбәр өмрүнүн доггуз јахуд даһа чох илләрини ҝөрмүш сәһабәләрдән биридир. Әбу Хатим әл-Бүсти ону бу өлкәләрин танынмыш алимләри сајында адландырмышдыр. Һөвлә мөмин вә ләјагәтли гадын иди. О, Пејғәмбәрин ﷺ ишләринә гајғы ҝөстәрәнләрдән иди. О, Рәсули-Әкрәми ﷺ севиндирмәјә чалышырды. Аишә данышырды: “Хәдиҹә вәфат едәндә Һөвлә бинт Һаким Рәсулүллаһын ﷺ јанына ҝәлиб она тәклиф едир:
- Нә үчүн сән евләнмәјәсән?
- Кимә? - сорушур о.
- Истәсән – бакирә гыза, истәсән – әрдә олана.
- Бу бакирә гыз вә бу әрдә олан гадын кимдир?
- Бакирә гыз – Аишәдир, сәнин үчүн ән истәкли мәхлугун гызы. Әрдә олан исә – Сәвдә бинт Зәмадыр. О, сәнә иман ҝәтирмиш вә сәнин ардынҹа ҝетмишдир.
О, дејир:
- Мәндән онларын икисинә дә елчи дүш”. Һөвлә данышарды ки, о, Үмм Рүмәнин јанына ҝәлиб демишди: - Үмм Рүмән! Аллаһ сизә неҹә дә јахшылыг вә немәт вермишдир!
- Неҹә? – сорушур о.
- Аллаһ Рәсулу ﷺ Аишәјә евләнмәк истәјир.
- Дајан, Әбу Бәкр ҝәләҹәкдир. Әбу Бәкр ҝәлир, вә гадын она һәмин сөзләри дејир. Әбу Бәкр аз сонра һараса ҝедир. Онда Үмм Рүмән мәнә деди:
- Әл-Мүтим ибн Ади артыг она оғлу үчүн елчи ҝөндәриб. Аллаһа анд ичирәм, о, һеч вахт вәдини позмајыб, - гадын Әбу Бәкри нәзәрдә тутурду. Онда Әбу Бәкр әл-Мүтимин јанына ҝәлиб дејир:
- Бу гыз һаггында сән нә дејә биләрсән? О, өз зөвҹәсинә тәрәф чеврилиб сорушур:
- Сән нә дејәрсән? Зөвҹәси Әбу Бәкрә мүраҹиәтлә дејир:
- Әҝәр биз бу оғланы сәнин гызына евләндирсәк, сән, јәгин ки, ону диндән дөнмәјә вә сизин дининизи гәбул еләмәјә мәҹбур едәҹәксән. Әбу Бәкр әл-Мүтимә мүраҹиәтән:
- Сән нә дејирсән?
- Зөвҹән сән ешидәни деди, - әлМүтимин ҹавабы белә олду. Онда Әбу Бәкр ҝедир, вә онун үрәјиндә бу вәддән һеч нә галмыр. О, Һөвләјә дејир: “Аллаһ Елчисинә де ки, ҝәлсин”. Вә онда Рәсулүллаһ ﷺ ҝәлир вә она евләнир”.
давамы вар
МАТЕРИАЛ “ПЕЈҒӘМБӘРИН
ГАДЫН СӘҺАБӘЛӘРИ” АДЛЫ
КИТАБДАН ҜӨТҮРҮЛМҮШДҮР
