Нужецаги битIе...

Махлукъатазда гъорлъ Аллагьас ﷻ хира гьавуравлъун ватаниги, рекъараб лага-щваталда вижун, гIакълу кьун тIадегIан гьавуравлъун вугониги, инсанасда бажаруларо Бичасул аварагасул ﷺ хIакъикъат тIубанго лъазе. КигIан цIакъ рекъараб мисал бачаниги, гьайбатал дандекквеял гьаруниги, кинабго рахъалъан аварагасул ﷺ бугеб тIубараб камалат цебе чIезабун бажаруларо. Дунялалъулго ралъадал гьитIинабго хъабаялъуре гьинаризе кIоларебго гIадин, Аллагьасул ﷻ расуласул ﷺ нуралъул кинабго гвангъи бихьизе инсанасул канлъиялъул къуват гIоларо.

Хирияв МухIаммад ﷺ аварагасул ишалъул тIадегIанлъи бихьизабулел жал цIакъго гIемерал руго. Гьезул цебесеб кьерда буго гьаб хадуб рехсараб. Жиндир къадимияб калам Къуръаналда БетIергьан Аллагьас ﷻ абун буго: «ХIакълъунго, Аллагьас ﷻ ва гьесул малаикзабаз салават битIула аварагасде. Я, гьал иман лъурал чагIи, нужецаги битIе гьесде салаватги саламги». (суратул «Ал-АхIзаб» 56 аят).

Жив цогояв, авал-ахир гьечIев хан, кинабго махлукъат жинца бижарав, сундаго хIалкIолев халкъалъул магIбуд, лъидего хIажат кколарев тIадегIанав Аллагьас жинцаго салават битIулеб буго жинца вижарав, жиндир махлукъаталде. Гьеб буго нилъер авараг ﷺ Аллагьас ﷻ кигIан цIакъ хира гьавун вугебали нилъеда бихьизабулеб кIудияб хIужа. Расуласде ﷺ салават нужецаги битIеян гIадамазде хитIаб буго аяталда жаниб. Пикру гьабе, гьеб хитIаб гьабилелде цебе, салават битIиялъулъ гIадамазе мисаллъун тIоцеве Аллагь ﷻ живго чIана, хадур малаикзабиги чIезаруна.

Гьеб хIалалда кIвар кьун живго БетIергьанас ﷻ гIадамазда жинде салават битIизабулев. Зобал, ракьал цIурал малаикзабазги жинде салават битIулев. Азалалдаго салават Живго Аллагьасги ﷻ битIарав Авараг ﷺ кинав чи вукIунарев. КигIан тIадегIанаб даражаялде Аллагьас ﷻ гьев ﷺ вахинавун вугев. ТIад ургъанагIан хIайранлъизе бачIуна.

Аварагасул ﷺ берцинлъи щивав чиясда жиндир макъамалда рекъон бихьула. Макъам тIадегIанлъарал вализабазда, Аллагьасде ﷻ гIагарлъараб агьлуялда бихьулеб гьесул ﷺ гьайбат нахъа ругезда бихьуларо. Амма кигIан тIадегIанги вахун МухIаммад ﷺ аварагасул цIикIкIарал манакъибал рихьаниги, гьезда хадурехунги жеги цIикIкIа-цIикIкIарал хиралъаби, тIокIлъаби рукIуна. ТIубанго гьел лъан инсанасда бажаруларо.

ХIабиб ГIалиев

2026-09-15 (РабигIул ахир 1448 с.) №18.

Дагъистаналъул муфти, шайих АхӀмад-афандица, ГӀиса аварагасул цIаралда бугеб централда къабул гьавуна Гъарабудахкент районалъул Параул росулъа гӀараб каллиграфиялъул устар Аширлаев Сулейман. Гьес сайгъат гьабуна хирияб Къуръаналъул жинцаго квералъ хъвараб, цогидаздаса батӀияб нусха. ГӀага-шагарго...

Абу-Гьурайратидасан Бухарияс бицараб хIадисалда аварагас ﷺ абулеб буго: «Аллагьас ﷻ абуна, щив чи вугониги дир валиясе зарал гьабун (жинца гьев тушманлъун ккун, гьесда ццим бахъун), дица гьев чиясда рагъ лъазабула», - ян. Жинда Аллагь ﷻ гурхIаяв Факигьанияс абуна: «Щив чи вугониги...

Якьадги росги Дир якьадалъе бокьун букIана жиндирго квартира къачIан лъугIизабизе ва гьелъ нижеда гьарана кумек. Дир росас, дидаги гьикъичIого, хIажатаб гIарац къарзалъ кьуна. ЛъагIел ана ва гьеб гIарац нахъбуссинабизе гIедегIунев чиги гьечIо. Дир рос нечола ракIалде щвезабизе ва дида...

Россиялъул президент Владимир Путиница баркана Дагъистаналъул хӀурматияв инсан, 95 сон тӀубарав ХасмухӀаммад Абубакаровасда гьавураб къо. Дагъистаналъул кӀудияв эменин абула гьесда гьев лъалел чагӀаз. Гьесул гӀумру буго къвакӀиялъул ва исламалъе хъулухъ гьабиялъул мисаллъун. Гьес гӀумру гьабуна...

Щибаб санайил дунял квачазе байбихьидал, цIикIкIуна вирусалъулаб инфекциялъ (ОРВИ) унтаразул къадар. Хасго гIадамал унтула хаслихълъиялдаса бахъараб ихдалил байбихьуде щвезегIан. Гьединлъидал гьеб заманалда жаниб кIвар бугеб жо ккола унтул аслиял гIаламатал лъай. ОРВИ ккола батIи-батIиял...

Нужецаги битIе...