Аслияб гьумералде

АхIмад афандиясде (къ.с.)

АхIмад афандиясде (къ.с.)
АхIмад-хIажи афанди -
Аллагьасул мун вали,
Ладунияб гIелмуялъ
ГIамал берцин гьабурав.
Баракатал гIамлъарав,
ГIалимзаби хирияв,
Сирриял хIикматазул
ХIелмуялъул мубарак.
Кинабниги рахъалъан
Нураниял мисалал,
МухIканго жинца ккурав
АхIмад-хIажи афанди (къ.с.).
Илагьияб гьайбаталъ
Гьалмагълъи берцинлъарав,
Амирул муъминина -
АхIмад-хIажи афанди (къ.с.).
Щукруялде ахIарав
АхIмадил варисги мун,
Вилаятазулаб ицц -
АхIмад-хIажи афанди (къ.с.).
ЗахIмалъаби раччарав,
Шубгьалъаби рокьичIев,
Расуласде щвеялъе
ЛъалкI жинца нахъе тарав.
Лъалелда гIамал гьабун,
Бусурбаби хадур цIан,
Диниял умуразулъ
Уммат щула гьабурав.
Берцинлъаби загьирав,
Зулуматал рихарав,
МагIрифаталъул агьлу -
АхIмад-хIажи афанди (къ.с.).
Пайдабазул мун гъамас,
Фуюзатал гьарзаяв,
ХIакъав нижер муршидги -
АхIмад-хIажи афанди (къ.с.).
Гьарараб дугIаялъе
ГIаламатал лъугьарав,
НасихIатазул шайих -
АхIмад-хIажи афанди (къ.с.).
Имамзабазе мисал,
Муридзабазул устар,
Муфтизабазул манбагI -
АхIмад-хIажи афанди (къ.с.).
Шамилил улкаялда
Ислам камил гьабурав,
ГIалимазулги устар -
АхIмад-хIажи афанди (къ.с.).
ГIарабалгун гIажамал,
ГIалам бохизабурав,
Бусурбаби разияв -
АхIмад-хIажи афанди (къ.с.).
Назму хъванин абун
Хъвалеб жо лъугIиларо,
ЛъугIи гьечIеб дур баркат
Киназего хIакълъаги
Машайихал тIаса лъугьун
ТIолалго разилъаги,
Гьезул адаб гьабизе
Аллагьасго тIамеги
Загьирги ,батIинги
Жидер камилал,
Русулазул ирсилал
Аллагьасде аманат.

МУХIАММАДХIАБИБ САГIИДОВ

2026-09-15 (РабигIул ахир 1448 с.) №18.


ОРВИялде данде

Щибаб санайил дунял квачазе байбихьидал, цIикIкIуна вирусалъулаб инфекциялъ (ОРВИ) унтаразул къадар. Хасго гIадамал унтула хаслихълъиялдаса бахъараб ихдалил байбихьуде щвезегIан. Гьединлъидал гьеб заманалда жаниб кIвар бугеб жо ккола унтул аслиял гIаламатал лъай.   ОРВИ ккола батIи-батIиял...


Учительзабиги кIочон течIо

Хъайтагъ районалда тӀобитӀана РабигIул аввал моцӀалъе сайгъат гьабураб гӀелмияб мажлис. Гьелда гӀахьаллъана районалъул бетӀер ХӀасанов Запир; районалъул имамзабазул советалъул председатель - Салимов ГӀабдулла; Югалъулаб территориалияб округалда Дагъистан Республикаялъул муфтияталъул вакил Рамазанов...


Тохав чиясул нух

Абу-Гьурайратидасан Бухарияс бицараб хIадисалда аварагас ﷺ абулеб буго: «Аллагьас ﷻ абуна, щив чи вугониги дир валиясе зарал гьабун (жинца гьев тушманлъун ккун, гьесда ццим бахъун), дица гьев чиясда рагъ лъазабула», - ян. Жинда Аллагь ﷻ гурхIаяв Факигьанияс абуна: «Щив чи вугониги...


Гьикъизе нечараб бицине намусаб

Якьадги росги   Дир якьадалъе бокьун букIана жиндирго квартира къачIан лъугIизабизе ва гьелъ нижеда гьарана кумек. Дир росас, дидаги гьикъичIого, хIажатаб гIарац къарзалъ кьуна. ЛъагIел ана ва гьеб гIарац нахъбуссинабизе гIедегIунев чиги гьечIо. Дир рос нечола ракIалде щвезабизе ва дида...


Ракьулъ бижулеб гIурдахIан

Камъат (гIараб мацIалда факъгI абунги лъала, гIурус мацIалда трюфель) ккола ракьулъ бижулеб кваназе бегьулеб гIурдахIан. Хасго гьеб гIемер батула ГIагараб Машрикъалъул ва Шималияб Африкаялъул авлахъазул гIатIилъабазда, гьениб гьеб загьирлъула цIад бан хадуб. Гьеб гIажаибаб ракьалъул нигIматалъе...