Рецц буго, дуе, БетIергьан ﷻ

Рецц буго, дуе, БетIергьан ﷻ

Иманалда ратидал свалат аварагасде, 
Исламалде ахIидал ХIабибасул умматлъун,
Ниж рижарав мун, Аллагь, алхIамдулиллагь, Дуе,
Рази руго ниж, Аллагь, Дур лагъзал рукIиналда.
Дунял-гIаламалъего рахIматлъун жив витIарав, 
ТIабигIатлъун жиндие Дур каламги букIарав,
БахIарчияв, гIакъилав, гIадамазе хIалимав,
ХIажаталъув ватулев, сахаватав, гIадлуяв.
Къуръан гIаламалдаго тIибитIизе гьабурав,
Гьединав расуласул агьлулъун ниж гьаридал,
Рецц буго, Дуе, Аллагь, алхIамдулиллагь,
ХIабибасул шапагIат щвезе гьабе нижее. 
Гьесул Кавсаралъул лъим гьекъолездаса гьаре,
Гьевгун цадахъ Дур рагьдухъ рахъун чIезеги гьаре.