Урмаса МухIаммад ХIажиясде

Урма росу чIухIарав, гIамал тIокIав мугIалим,

Росу бахилав дуе, кьеги Аллагьас сахлъи.

Жеги гIемерал саназ, ислам тIегьазабизе,

ТIолго гIалам урхъарав, ТIагьаяс салам кьолеб,

Къокъаялда хIакълъаги, Аллагьас кIодо гьавун.

Жаниб гIелму бикьулеб, къимат тIокIаб мадраса,

Дур нухмалъиялда гъоркь, нилъер росулъ рагьана.

Росдацаго как базе, хIалхьи босулеб къулгIа,

Берцинаб мажгиталъе, кьучI лъуравлъун мун ккана.

Дур жигара цIикIкIараб, хIалтIул хIасил бихьизе,

Урмае рачIун гурел, чиясда бичIиларо.

Цевехъанлъиги гьабун, Росу хIалае бахъун,

Бараб мажгиталдаса, бер лъилго гIорцIиларо.

ГIадлуялда куцараб, берцинаб хъизамалъе,

ТIадегIанав Аллагьас, кидаго талихI кьеги.

Исламалда тIегьалел, цIумал гIадал васазда,

Хирияв БетIергьанас, Жиндир цIоб лъеги.

ЦIоб гIатIидав Ханасул, къойилго рахIмат рещтIун,

ХIалхьи дур хьибилалда, къойил гьудуллъун чIайги.

Аллагь ккуразе щолеб, киналниги нигIматал,

Кидаго дур къавулъе гIорлъун чвахун рачIаги.

Баркала буго дуе, тIолабго росдал рахъалъан,

Аллагьги Аварагги дудаса разилъаги.

Жеги цIикIкIарал лъалкIал иналъул нухда тезе,

ХIакъав БетIергьанасул квербакъи дуе щваги.

Гьабулелъе квербакъи жидедасан бачIарал,

Росдал жамагIаталда Аллагьас баркат лъеги.

АлхIамдулиллагь Аллагь цIоб гIатIидав нижер Хан,

Ханлъуда вугев Дуца, махIрум гьарулел гьечIин.

УРМА РОСДАЛ РАХЪАЛЪАН