Муфти устарасде
Муфти устарасде
БагIарбакъуца ракь хинлъизабула,
Хинлъи рекIей кьола АхIмад-хIажияс.
Чорхой хIалхьиялъе къаси кьижула,
ХIалхьи чорхой кьола нижей устарас.
Зодоса цIад бала ракьул къеч хьвазе,
Нижер къеч хьвалеб ицц - АхIмад-афанди.
ХIалухъин бижизе балеб цIадги Мун,
ЦIад къотIидал щолеб бакъги Мун нижей.
Къаси бецIаб сордо гвангъулеб моцIги,
Рогьалилъ баккулеб канлъиги нижей.
Дур берцинаб гьумер, гьайбатаб гьими,
Гьаб Дагъистаналъе нурлъун кьун вугев.
Кьеги Дуе гIумру, муфти-кIудияв,
ТалихIаб сахлъиги гIемер рохелги.
Аллагьги разияв, ХIабиб вохараб,
Дур баракат къотIун ниж хутIугеги.
