Аслияб гьумералде

ЦIияб басма

ЦIияб басма

ЦIияб басма

Устарзабазул калам гьацIудасаги гьуинаб, цIакъ рекIелъе бортулеб ва пайда цIикIкIараб букIуна. Накъшубандиябгун шазалияб тIарикъаталъул устар, кIудияв гIалим КъахIиса ХIасан-афандияс жиндирго вас МухIаммадгIариф-афандиясе хъварал насихIатал ругеб тIехь ккола гIараб мацIалда бахъараб «Талхил магIариф фи таргъиби МухIаммадгIариф» абураб.

 

ХIасан-афандияс гьелъул байбихьудаго хъвалеб буго, гьаб хъваялъе сабаблъун МухIаммадгIариф кканиги, гьаб бугила киналго бусурбабазе ругел насихIатал, хасго гIун бачIунеб гIелалъе абун.

Гьале лъебергоялдасаги цIикIкIун сон буго гьеб тIехь мадрасабазда цIалулеб бугелдаса. Гьелда жанир руго тIарикъаталда хурхарал кIвар цIикIкIарал суалал. Гьединго руго гIун бачIунеб гIелалъе гьезул тIабигIат-гIамал исламалда рекъонккеялъе чарагьечIел гIемерал васияталгун малъа-хъваял. Гьеб тIехь гIиллалъун кканин гIемерав мутагIиласда тIарикъаталъул кIвар бугел суалал ричIчIиялъейин абуни, мекъи ккеларо.

ХIакъикъаталдаги гьеб цIаларасда лъала жиндирго загIиплъиги, гьеб щула гьабиялъе бугеб нухги. Фикъгьигун нахIви ва цогидал гIелмабаз инсанасда жаниб живго жиндаго кIодолъун вихьи бижизабизе бегьула. Амма гьадинал ахлакъазул тIахьал цIалиялъ гьеб кинабго хIур кIутIула нахъе. 

Гьал къоязда Дагъистаналъул муфтияталъул гIелмияб отделалъ басмаялде бахъана «Талхил магIариф фи таргъиби МухIаммадгIариф» абураб тIехьалъул лъабабилеб басма. Печаталда кьабизегIан цебе гьеб букIана квераз умумуз хъвараб чанго батIияб нусхаялда. Гьел киналго дандеги ккун, щибаб бакIалъе мухIканлъиги гьабун биччана къватIибе лъабабилеб басма.

2026-09-01 (РабигIул аввал 1448 с) №17.


Тафсир агьлуялъул маяк

Имамзабазул, хасго чIахIиял гIалимзабазул къимат лъала гьезул таржама гъваридго лъазабидал. Гьелдаго цадахъ имам вокьизеги вокьула. Амма лъаларев чи вокьизе кIоларо. Аварагас ﷺ абухъе, гIалимзаби ккола гьесул ирисилал. Щайгурелъул, Аварагас ﷺ жинда хадуб тола гIелму. Гьел ккола гьеб ирс босулел ва...


Пашманлъи тIаса инабулеб

ТIадегIанав Аллагьас инсанияталъе гIемерал нигIматал рижун руго. Хирияб Къуръаналда хъван буго (магIна): «Гьев инсан кин валагьуларев Аллагьас ﷻ жиндие ризкъилъун кьун бугеб батIи-батIияб тIагIамалде». (Сура «ГIабаса», 24 аят).   Гьел нигIматазул цояб ккола хъабахъ....


РабигIул аввалалъул хIурматалда

ЦӀунтӀа районалъул Гьинухъ росулъ тӀобитӀана баракатаб рабигӀул аввал моцӀ тӀаде щвеялда бан мажлис. Дунялалъул бусурбабазе гьеб моцӀ ккола хасаб рухӀияб цӀилъиялъул заманлъун. Муъминзаби мажгитазда ва рокъор данделъула Аллагьасе рецц гьабизе, Аварагасде ﷺ салават битIизе, гьесул гӀумруялъул...


Дагъистаналъул муфти дандчIвана

Дагъистан Республикаялъул муфти, шайих АхӀмад-афандица Россиялъул Федерациялъул батӀи-батӀиял регионазда хӀалтӀулел Дагъистаналъул хӀукуматалъул вакилзабазулгун тӀобитӀана дандчӀвай. Гьеб тадбиралда гӀахьаллъана Россиялъул регионазда ва къватӀисел пачалихъазда гӀумру гьабулел дагъистаниязулгун...


БацIцIадаб гIоралда релъараб

Как буго диналъул кьучI ва аслу. Как тарав чиясул дин биххулин абун буго хIадисалдаги. Гьелъул магIна ккола диналъул щулалъи какалда бараб букIунин.   Бусурбанчияс кIвар кьезе ккола какалде. Гьелъул кIвар бицана хIадисалъги: «Дуда лъай, ишазул бищун лъикIаб как бугеблъи...»...