ЦIалдолезул пикраби

Газеталъул ахирисеб номералда кьун букIана «Щиб лъугьунеб бихьаниги кумек гьабизегIанго телефонги къватIибе бахъун видео бахъизе лъугьунел руго. Гьелъул хIакъалъулъ щиб абилеб нужеца?» - абураб суал. Гьелъие рачIарал жавабал кьолел руго гъоркьехун.

• Щибниги лъикIлъи бихьуларо дида телефоналдеги бахъун лъугьараб халкъалда гьоркьоб тIибитIизабулел гIадамазулъ, гьеб буго иман загIиплъи. Масала, рукъ бухIулеб буго пуланай гIаданалъул, гьелъ жинцаго бахъулеб буго телефоналде. Гьеб рекъараб жо бугищха. Цинги лъолеб буго статусазда гIарац бакIаризелъун.
• Щибго жоялъул ургъел гьечIел чагIаз гьедин гьабула.
• Дида ккола гьеб бугин нилъер иманалъул загIиплъи. Щай нилъ кинабго жоялъухъ нахъасан халги гьабун, гьебги телефоналде бахъун чIолел, лъикIаб кканиги, квешаб кканиги кумекалъе рортичIого. Аварагасул хIадисги бугелъул, бищун нужеда гьоркьов лъикIав вуго цIикIкIун гIадамазе пайда бугевин абураб.
• Гьеб буго гӀадамасул къварилъиги гурхӀелги гьечӀел гӀадамазул пиша.
• Цин гIадамазе кумек гьабизе ккела, кумек гьабун хадуб бегьила гьабураб хIалтIул видео бахъизе.
• Гьеб буго аварагасул r хIадисалде гIамал гьабунгутIиялъул хIасил. ХIадисалда бицухъе, жиндие бокьараб цогидасеги бокьани, гьедин букIинароан. Ккара-тараб телефоналде бахъулев чиясе цогидав чи хIакъикъаталда вокьани, хIакъикъияб хIалалда гьес щивав бусурбанчи вацлъун ва бусурбанай чIужугIадан яцлъун рикIкIани, гьедин букIинароан иш.
• Гьединазда Аллагьас бихьизабугеги жидеего щиб бугониги ккедал цогидал тIаде ралагьун чIей.
• Гьеб буго ахирзаманалъул гIамал, киназулгоги абиларо, руго кумекалъе хIадуралги, амма гIемерисел гIолилазул бидулъ бессун буго видеоги бахъун кеп босулеб гIамал.
• ГIайиб гьабиларо, амма гьебгӀан сурун бихьулеб жо гьечӀо.

Хадусеб номералъе суал «Лъималазе тарбия кьезе кигIан заман нужеца хвезабулеб?»

• Кумекалде хӀажатав чи вихьидал исламалъ нилъеда абулеб буго гьесие хехлъи гьабун кумек гьабейин. Амма телефоналде бахъи мекъаб иш буго. Щайгурелъун гьеб лъугьа-бахъиналъул хважаинасе я бокьила гӀадамазда бихьизе, я бокьиларо.
• Иман лъурал гIадамазе кумек гьаби абураб жо кIочон тун буго.
• Машгьурлъи къваригIун буго щивасе.
• Щиб бахъаниги, гьелъул жаваб кьезе кколеблъи лъазе ккола щивасда.
• Иман дагьлъун, дунял хиралъун, гIаданлъи тIагIун.
• ГIезегIан квеш буго, жидедаго бихьидал кантIизе ратила.
• ЦIакъ хисун буго инсанасул тIабигIат.
• Ургъел гьечIолъи.
• Ахир заманалъул гIаламат.
• ГIадамазулъ гIаданлъи хун буго. Инсанасе тарбия кьолеб жо гIицIго телефон буго гьанже.
• ХIалихьалъи буго, чи хвасар гьавуларо, гIайиб бахчуларо, тIадеги къватIив чIвазавула.
• Гьел руго рекIелъ щибго гурхIел гьечIел гIадамал.
• Унтарал чагIи руго гьел.