ЦIалдолезул пикраби
Газеталъул ахирисеб номералда кьун букIана «Росу-шагьар бахун къватIире, гIалахалде, рохьал-иццал ругел бакIазде хIухьбахъи гьабизе иналдалъун кинал пайдаби нужее щолел?» - абураб суал. Гьелъие рачIарал жавабал кьолел руго гъоркьехун:
Гьудуллъи цIикIкIиналъ черхалъе лъикIаб асар гьабула.
Пайда гуреб жо гьелдаса щолебищ?
Цолъи, гьуинлъи.
ГIажаибаб эркенлъи, аваданлъи.
Диналъул вацалгун гIодор чIей, ургъел рекIелъа бахъи.
Рохьалгун авлахъал хIайваназеги тун, Россиялъул шагьаразде «Ас-салам» казият щвезабизе рахъа гIолохъаби.
РоцIцIараб лъеда аскIоб гьабураб хIухьбахъи гIадаб жо батичIо свак чучиялъе.
Гьединаб бакIалде жеги инчIо, руччаби рокъорго лъикI.
Гьединал бакIазде рахъиналдалъун черхалъегун ботIрое бигьалъи ккола, свак чучула, хадубккун гьабулеб ишалде цIияб гъира бала, рихьичIого рукIарал чагIазулгун лъикIабквешаб бицун ургъелал рикьула. ХIасил, дида ккола кIиго моцIида жаниб цо нухалъгIаги гьединал бакIазде рахъине ккелин.
Гьединал бакIазде вахъунарев чиясда бицун лъаларо гьелъул букIунеб пайдаги, кколеб хIасилги.
Хадусеб номералъе суал «Нилъер дагъистаналда гьанжеги тIибитIулеб бугеб бахунеб унтиялдаса цIуна-къай кин нужеца гьабулеб бугеб?»
Заман гIадада хвей гурони тIокIаб пайда гьечIо. ХIухьбахъизе унеб заман Аллагьасул дин лъазабиялде биччани, лъикIаб букIина.
Кидаго хIалтIулевги ялъуни кидаго хIухьбахъи гьабулевлъунги вукIине бегьуларо. КIиябго рекъон бачани, сундулъго баракатги лъела. Дун моцIалъ хIалтIула, цинги цо къо гьоркьоса бищун хIухьбахъи гьабизе вахъуна хъизан-агьлугун цадахъ.
Имам Гъазалияс абунин рагIана дида хIухбахъи кколин цояб хIалтIудаса цогиялде вуссин. ЗахIматалдаса бигьаялде. Дицаги гьедин гьабула. Амма цIакъго свакайдал гьудул-гьалмагълъигун мегIер-гIалахалде уна чуял рачине, хIухьбахъи гьабизе.
БитIараб бицани, гьудуллъи ва лъай цIикIкIуна. Вацлъиялъе асар гьабула.
МегIер-гIалахалде рахъун хIухьбахъи гьабиялдаса пайда букIинчIебани нилъер муфтияталъ гьарулел цо-цо гIелмиял мажлисал гIурдадеги рахъун гьарилароан.
КIудияв гIунагIан хIухьбахъиялъе заманго хутIулеб гьечIо. Гьаб дунялалъ тIубанго лагълъун ккун вуго.
