ЦIалдолезул пикраби

БитIараб бицани, спорталъе заманго гIолеб гьечIо. ГIолохъанаб мехалъ гьабичIеб спортги течIо, амма лъимал гьаруралдаса тIубараб къоялъ хIалтIизе кколев вуго.

Радал-бакъанида гугаризе хьвадула. Хьул буго кватIичIого къецаздаги гIахьаллъилин абураб.

Школалда цIалулеб мехалъ физкультураялда цIакъ кIвар кьолаан. Институталде цIализе лъугьиндал къанагIатго гурони физкультура гьабулароан. Армиялдаса вачIиндал заманго гIолеб гьечIо.

Пайдаяб гуреб жого ккечIо. Аслияблъун букIана кванай дагь гьаби, лъикIал гIамалазде гьеси.

Физкультураялъе биччалеб заман дагь буго, гьеб гьечIолъи сабаблъун черхалъулги тату холеб буго. Лъимал-хъизан гьабун лъебериде вахиндал, киналъего заман гIолеб гьечIо.

Дун вуго 1 курсалда цIалулев. Школалда физкультураялъе заман гIемер букIунаан, гьанже дагьлъун буго.

Радал векерула, зарядка гьабула, тренировкабазде хьвадула.

Гьава-бакъ хинлъидал байбихьула ралъдахъе хьвадизе, векеризе ва чвердезе.

Метер байбихьилин абун унеб буго гIумру.

Радал школалде иналде анцIго минуталъ зарядка гьабула, цинги цIорараб лъекь чвердола.

КIвахIалъ кинабго хвезабула. Зарядка радал гьабун бажарани, тIолабго къо лъикI уна.

ГIага-шагарго 30 минут тIамула зарядка гьабиялда.

Кинго заман батизе кIолеб гьечIо физкультураялъе. Радал какде вахъинецин кIолареб мехалъ зарядкалъулго бицунго щай!?

Зарядка гьабуларо. Руччабазул рукъалъул хIалтIи зарядка гIадаб жо гьечIищха.

Кинаб зарядка!? ТIубараб къо уна хIалтIуда. Къаси кватIун щола. ГIемер свакаялъ, какги бан, кьижун ккола.

Рамазан моцI лъугIидал байбихьилин хьулазда вукIана, амма кинго иблисалъ толеб гьечIо. Бичас биччани метерго байбихьила.

Дида эбел-инсуца абуна цIалиялда тIадчIей гьабейин. Гьединлъидал спорт гьаб заманалда жибго тун буго. ГIиси-бикъинаб зарядка гьабула къойилго.

Жакъа байбихьила, метер жувалаян унел руго сонал. Чорхол кIвахIаллъиялъ виччалев гьечIо вагъа-вачаризе. Физкультура кутакалда пайдаяб жо букIин бичIчIараб гIолеб гьечIо, гьабизеги кколеб буго. Хьул буго гьанжеялдасагIаги байбихьилин абун.

Гьале метергIаги спорталде жува-гъувай гьабизе ккелин абун ургъулаго чанго сонги данде сверулеб буго.

2026-09-01 (РабигIул аввал 1448 с) №17.

Курми росулъ тӀобитӀана росдал къоялда хурхун байрамалъулаб тадбир. Гьеб къоялъул аслияб лъугьа-бахъинлъун букӀана щивав чияс жидерго къуват, гьунар, бергьенлъи босизе бугеб гъира бихьизабизе рес кьураб спортивияб къец. Гьелдаса хадуб киналго гьалбал кваназаруна ва цо-цо церехъабазе кьуна...

Дагъистан Республикаялъул муфти, шайих АхӀмад-афандица Россиялъул Федерациялъул батӀи-батӀиял регионазда хӀалтӀулел Дагъистаналъул хӀукуматалъул вакилзабазулгун тӀобитӀана дандчӀвай. Гьеб тадбиралда гӀахьаллъана Россиялъул регионазда ва къватӀисел пачалихъазда гӀумру гьабулел дагъистаниязулгун...

Попугай ччугIа Пляжал гIуцIулеб. Гьеб ччугIил щибаб чIандероялда руго нус-нус гьитIинал, горал гIадал жал цоцалъ щулаго гъункун лъугьарал, гозоялъул кинниги сипат бугел цаби. Цабиги руго батIи-батIияб маххалдасаги къвакIарал. Цабзаздалъун гьез кораллал къунцIула. Габуралъул рахъалдаги руго жеги...

Имамзабазул, хасго чIахIиял гIалимзабазул къимат лъала гьезул таржама гъваридго лъазабидал. Гьелдаго цадахъ имам вокьизеги вокьула. Амма лъаларев чи вокьизе кIоларо. Аварагас ﷺ абухъе, гIалимзаби ккола гьесул ирисилал. Щайгурелъул, Аварагас ﷺ жинда хадуб тола гIелму. Гьел ккола гьеб ирс босулел ва...

Нилъер диналда жаниб кутакаб бакI кколеблъун буго аманат, божилъи гьабураб тIубазаби, ритIухълъи цIуни абураб иш. Гьебги гIицIго гьабулеб гIадатияб ишалда хурхин гуреб, муъминчиясул гIумруялъул Аллагьасулгун ﷻ жиндир бугеб гьоркьоблъиялдаса байбихьун ва хIатта хIайваназул ургъел гьабиялде щвезегIан...