Нужее баяналъе

Нужее баяналъе

– Дагъистаналда фикъгьияб «Канзу Рагъибин» абураб машгьураб тIехьалъул автор щив?

– Имам МахIалли.

– Щиб сураялъ дажалил питнаялдаса цIунулел?

– Суратул «Кагьфалъ».

– Лъил хIакъалъулъ Къуръаналда Аллагьас ﷻ рехсараб, гьесул черх букIине бугин хадур рачIунезе вагIзалъун абун?

– ФиргIавнил хIакъалъулъ (сура «Юнус», аят 91-92).

– Къуръаналда бищун кIудияб мунагьлъун щиб рикIкIараб?

– Купру.

– Къуръаналъ бечелъиялъул ва боцIул хIакъалъулъ щиб абураб?

– Гьеб нилъер иманалъул хIал бихьизе кьураб бугин. (Сура «ал-Бакъара», аят 155)

– Зодоса рещтIарал кинал тIахьал рехсарал Къуръаналда?

– Къуръан, Таврат, Инжил, Забур, Ибрагьимил ва Муса аварагасул тIанчал.

– Щиб сураялъулъ кIиго нухалъ басмала рехсараб?

– Суратул «ан-Намлалда».

– МоцI абураб рагIи чан нухалда рехсараб?

– 12 нухалда.

– Къуръаналда инсаналъул тIадегIанлъи сундалъун борцунеб бугеб?

- Такъваялдалъун.

– Кинал гIибадатал рукIарал Аллагьас ﷻ бану-исраилазда тIадкъан ва хадуб исламалдаги байбихьарал?

– Как ва закагIат (сура «ал-Бакъара», аят 43).

– Лукъман чан нухалъ рехсарав?

– КIиго нухалда, «Лукъман» сураялда, (аят 12, 13).

– Щибаб аят «с» хIарпалдалъун лъугIулеб сура щиб?

– Сура «ан-Нас».

– Къуръаналда рехсараб алжаналъул гъветIалда цIар щиб?

– ТIуба.

Шамил МухIаммадов