Нужее баяналъе

1. Авараг ﷺ гьавураб соналъе кинаб цIар щун букIараб?

– Пилалъул сон абун.

2. Къуръаналда хадуб кьучIабилан щиб тIехьалда абулеб?

– Имам Бухариясул хIадисазул тIехьалда.

3. Аварагасда ﷺ цIар лъица лъураб?

– ГIабдулмутIалибица.

4. КIудияв инсуца гьеб цIар щай гьесие кьураб?

– Аллагьас ﷻ гьесул ракIалде рехун.

5. Шамалде даран-базаралъе Авараг ﷺ индал, кашишасда гьев кин ватIа вахъизе лъарав?

– Беразда жаниб бугеб багIарлъи лъан.

6. Бухариясул тIехьалдаса хадуб кьучIаб тIехь кинаб бугеб?

– Имам Муслимил хIадисазул тIехь (СахIихIул Муслим).

7. Аварагасул ﷺ чан лъимер букIараб?

– Анкьго лъимер букIана.

8. Нуралъул бетIерилан абураб тIокIцIар лъие щвараб?

– ТIуфайл бин ГIамр Давсие.

9. «МухIаммад» абураб сура бугищ Къуръаналда?

– Буго.

10. ТIоцебе «СубхIналлагь» абураб рагIи лъица абураб?

– ЖабрагIил малаикас.

11. «ВалхIамдулиллагь» абураб рагIи тIоцебе лъица абураб?

– Адам аварагас.

12. «Къуръаналъул ракIилан» щиб сураялда абулеб?

– «Ясиналда».

13. «Валаилагьа илла ллагь» абураб рагIи тIоцебе лъица абураб?

– НухI аварагас.

14. «Валлагьу акбар» абураб рагIи тIоцебе лъица абураб?

– Ибрагьим аварагас.

15. «Вала хIавла вала къуввата илла биллагьил гIазим» абураб рагIи тIоцебе лъица абураб?

– МухIаммад аварагас ﷺ.

Шамил МухIаммадов