Нужее баяналъе

1. Аварагасул ﷺ баргъичалда тIад щиб хъван букIараб?

– МухIаммадун расулуЛлагь (Аллагьасул расул МухIаммад ﷺ ) абун.

2. Забуралда аварагасул ﷺ цIар кин хъван букIараб?

– Фарукъ абун букIана (хIалал-хIарам жинца батIа бахъулев).

3. Имам Шамил чамабилеб соналъ гьавурав?

– 1797 соналда.

4. Аварагасул ﷺ бищун хириял цIарал щал?

– МухIаммад ва АхIмад.

5. Лъица аварагасде гIантал ва гIисинал лъимал тIаде тIамун рукIарал, гьев гьезухъе индал?

– ТIаифалъул агьлуялъ.

6. Щиб сураялъул щибаб аят лъугIулеб «Д» хIарпалдалъун?

– Суратул «Ихлас».

7. Щив халипас тIоцебе Акъса мажгиталда как бараб?

– ГIумар бин ХатIтIабица.

8. Аварагазабазул къадар кигIан букIараб?

– 124000 букIанин абула гIемерисел гIалимзабаз.

9. Имам Нававиясул машгьураб дугIабазул тIехь щиб?

– «Азкар» абураб тIехь.

10. Щай авараг ﷺ Макка бахъун хадуб жанив вачIарав хIеренго бетIерги къулун, щай вачIинчIев цогидал ханзабигIадин бетIерги борхун, гIадамалги гъурун?

– Аварагасул ﷺ рахIму кутакаб букIана. Гьединго авараг ﷺ вукIана бищун лъикI Аллагь ﷻ лъарав чи. Гьесда бичIчIана лъица гьесие бергьенлъи кьурабали. Гьелъин авараг ﷺ, Аллагьасул ﷻ лагъгIадин, шукру гьабун, вачIарав.

ШАМИЛ МУХIАММАДОВ