Аслияб гьумералде

ГIолохъабазде муфтияталъул хитIаб

ГIолохъабазде муфтияталъул хитIаб

ХIурматиял вацалгун яцал, Дагъистаналъул гIолохъаби!

 

Нуж ккола бечедаб, хIурматияб тарихалъул наслаби, гIалимзабигун гIакъилзабазул, жидер тIубараб гIумруго лъикIлъиялъ жаниб бессун букIарал, къартIгун яхI-намус цIунарал бахIарзазул ирсилал. Нужер умумул кидаго рукIана къо хIехьеялъе, ритIухълъиялъе мисаллъун ва жакъа къоялъги гьединалго руго.

РекIее цIакъго захIмалъулеб буго нилъер гIолохъабазул гIахьаллъиялдалъун ккарал рагъ-кьалазул, тунка-гIусиязул хабар рагIараб мехалда. Гьединал лъугьа-бахъиназ жалго гIахьалчагIазул гIумру хвезабун, букIинеселде рагIад рехизабун зарал гьаби гуребги, рагIад рехулеб буго Дагъистаналъулго цIаралде ва нилъер хIурматиял умумузул машгьурал, бахIарчиял, гIакъилал ишазде.

Нижеца хитIаб гьабулеб буго умумуздеги, ай чIахIияб гIелалдеги. Нуж ккола нужерго лъималазул тIоцересел мугIалимзаби ва тарбиячагIи. Гьелгун цIакъ цIодорго рукIа, хIаракат бахъе гьезда жаниб лъезе цогидаздехун гурхIел-рахIму, чIахIияздехун адаб-хъатир. Нужерго лъимал гIезаре Дагъистаналъул бищунго лъикIал гIадатал, «унго-унгояв магIарулав» абураб кодекс, инсанасул хIурмат, адаб цIунараллъун.

Нилъер щивасе тапикъ кьеги халкъалъул мустахIикъав вакиллъун, хIурматиял умумузул къартI цIунаравлъун вукIине.

 

ХIурматгун, ДРялъул муфтият

2026-05-15 (ЗулкъагIида 1447 с.) №10.


Волейболалъул турнир

1 маялда ХӀебда росулъ тӀобитӀана, СВОялъул бахIарзал ракIалде щвезариялъул хIурматалда, школазул цIалдохъабазда гьоркьоб волейбол хIаялъул рахъалъ къец. Гьеб тадбиралда гIахьаллъи гьабуна ХIебда росдал имам ГIумархIажи МухIаммадхIажиевасги. Жиндирго кIалъаялда гьес киназего гьарана бергьенлъи ва...


«Ал-Акъса» мажгиталъул копия

МахӀачхъалаялъул Хушет поселокалда тӀобитӀана Палестинаялъул «Ал-Акъса» мажгиталъул мухӀканаб копиялъун букӀине бугеб мажгиталъе кьучӀ лъеялъул тадбир. Гьеб кӀвар бугеб тадбиралъ данде гьаруна нус-нус гӀадамал. Гьелъул хӀурматалда тӀобитӀана мажлис, гьениб гьаруна вагIза-насихIатал,...


Анищ тIубана

ДРялъул муфтиясул гӀакълучи ГIайна ХIамзатовалъ гӀахьаллъи гьабуна «Кумек» абураб бизнес-клуб рагьулеб мехалда тӀобитӀараб ва «Инсан» фондалъ гӀуцӀараб «Шкатулка желаний» абураб тадбиралда. Гьеб акция тIобитIулеб заманалда лъим кIанцIиялдалъун зарал ккараб...


ХIарамалъул ракь

Макка-Мадинаялъул хиралъилъун нилъее гIела, жиндие гIоло кинабго махлукъат бижарав Авараг ﷺ тIад хьвадараб, гьев вукъараб ракьлъун букIин.   Нилъеда бихьулеб буго жакъасеб къоялъги ТIадегIанав Аллагьас ﷻ Макка-Мадинаялъул агьлу хьихьун бугеб куцги, гьениб гьанжелъизегIан цIунун бугеб...


Къурбаналъул гIид

ХIурматиял магIарулал, гьале тIаде щолеб буго исламалда жаниб кIудияб гIидлъун рикIкIунеб Къурбаналъул байрам.   Гьелъул аслу буго Ибрагьим аварагасдаса бачIараб. Гьебго тарих буго исламалъул щуабилеб рукнулъун бугеб хIежалъулги. Нилъер диналъул вацалгун яцал гьел къояз рукIуна хIежалъул...