Къарумлъиялъ пайда гьабуларо...
Цо пуланав чияс жиндирго бечелъи буссинабулеб букIун буго меседалде. Гьеб меседги гьес бахчулеб букIун буго лажбар жаниб букIараб банкаялъуб.
Гьебги букIун буго гьединалго чIорогоял банкабазда гьоркьоб лъун, гIадан-чи щаклъичIого вукIине. Гьев чиясул ясалъ рокъоб рацIа-ракъалъи гьабулеб мехалда, лажбаралъул чIорогоял банкаби ратидал, рищни балеб къалиялъуре рехун руго. Гьайгьай, гьездаго цадахъ гьенибе рехун буго месед жаниб бахчун букIараб доб банкаги. БачIун рищни баччулеб машинаялъ гьеб къалиги чIехьон шагьаралъулго рищникъул балелъубе щвезабун буго.
Бакъанида рокъове вачIарав эмен, щаклъи ккун месед бахчаралъубе ваккидал, гьесда гьениб батун гьечIо доб банка. ЦIех-рех гьабидал баянлъун буго гьеб рищниялда цадахъ араблъи. Гьеб мехалда, мадугьалзабазул лъималги цадахъ рачун, сапар бухьун буго гьев чияс рищни балелъубе гьеб хъирщизе. Батарав чиясе саламатабго къадар гIарцул кьезеги рагIи кьун буго. Амма кигIан хъирщаниги месед батун гьечIо ва дов «бечедав» къарумав чиги рекIел унтиги бачIун больницаялде ккун вуго.
ИсхIакъ абулев гIолиласул вукIун вуго къарумав имгIал. Умумуз абухъего, «гьес жинцагоги кваналароан, цогидазеги кьолароан». Гьединлъидал, гьесул лъицаго хIурматги гьабулароан. Жиндирго бечелъи квер щолелъуб букIине кколинги абун, гьев къарумас тIолабго боцIи меседалде буссинабулеб букIун буго ва гьеб хазинаги жиндирго ахикь бахчун букIун буго
Мех-мехалда вачIун гьес месед къватIибе бахъулаанила, рикIкIунаанила ва букIаралъубго лъолаанила. Цо нухалда гьесда жинцаго бахчаралъуб месед батун гьечIо. Гьесда лъан буго гьеб бикъун ун букIин. Чара бухIиялъ гьабизе жо тIагIарав къарумас ботIродаса рас бетIун балеб букIун буго.
Гьесда чIун бугеб къо бихьарав ИсхIакъица абула:
«ГIадада гIодуге, имгIал. Гьеб месед гьадингоги ракьулъ бегун букIана, дуца гьелдаса пайда босулебги букIинчIо. Дуе гьеб къваригIун букIарабани, дуца гьелдаса пайда босилаан, ракьулъ букъун течIого», - ян
Къарумлъиялдаса цIунейилан Аллагьасда гьарулелъул нилъер аварагас гьединал гIадамазул хIакъалъулъ абулаан:
