Аварагасде ﷺ салават битIиялъул пайдаби
Аварагасде ﷺ салават битIиялъул пайдаби
– Аллагьасул ﷻ амру тIубай, "Сурату Ал- АхIзабалъул" 56 аяталда «Нужеца гьесде салават битIе»абун нилъеда амру гьабулеб бугелъул. Гьаб буго гьелдаса щолеб бищун кIудияб пайда. Гьеб кколеб бугелъул бацIцIадаб гIубудият (Аллагьасул ﷻ амру тIубай гурого, гIибадаталдаса цоги мурадги гьечIелъул).
– Лагъ Аварагасде ﷺ салават битIулев вугебгIан мехалъ малаикзабаз лагъасде салават битIулеб букIин.
– Салават битIарасе щибаб салават рикIкIун анцIго лъикIлъи щвей, анцIго квешлъи тIаса ин ва анцIго даражаялъ эхеде вахин. АнцIго лагъ тархъаравгIан кири щвей.
– Авараг ﷺ жинде салават битIулезе Къиямасеб къоялъ нугIлъун ва шафагIат гьабулев вукIин.
– Нифакъалдаса вацIцIалъи ва жужахIалъул цIаялдаса хвасарлъи хъвай.
– Салават битIулев чи Аллагьас ﷻ Къиямасеб къоялъ шагьидзабигун чIезави.
– Къиямасеб къоялъ гьесул гъеж Аварагасул ﷺ гъажалда цун букIин (гьевгун цадахъ вукIин).
– Гьев хвараб мехалъ салават гьесул хабада аскIобги чIун, гьесул мунагьал чури тIалаб гьабулеб букIин.
– Щибаб салават рикIкIун УхIуд мегIергIан кIудияб кири кьола.
– Гьелъ жужахIалде лъугьиналдаса гьукъула, хIата цо-цо салаватазул хIакъалъулъ бачIана гьеб салават цо нухалъ битIани 80 соналъул мунагь чурулилан абунги.
– Гьеб ккола Аллагь ﷻ разилъиялъе ва Гьесул ﷻ рахIматалъулъ тIерхьиналъе сабаблъун.
– Салават битIулезул данделъи батидал малаикзаби гьезда сверухъ лъугьуна ва гьел рахIматалъулъ тIерхьинарула.
– Гьеб ккола Аллагьасул ﷻ ццин бахъиналдаса боржел тIаде цIалеб ва лъикIаб гIамал цIадирабазда бакIлъиялъе ва Къиямасеб къоялъ къечеялдаса боржелалъе сабаблъун.
– СиратIалъул кьодаса унаго хъущтIиялдаса гьелъ квер ккола.
– Садакъа кьезе рес гьечIесе садакъаялъул бакIалдаги жиб чIола.
– Гьелъ пакъирлъи тIаса инабула.
– Гьеб ккола лагъасул черхалда, гIумруялда баракат лъеялъе ва цогидал гьесие маслихIатал жалазе сабаблъун.
