Аслияб гьумералде

Учитель къваригIуна

Учитель къваригIуна

ТIадегIанав Аллагьас инсан, гьавураб къоялдаса байбихьун херлъизегIан, цогидасде хIажатавлъун вижана. ГIумрудул байбихьуда, ай гьавидал эбел-инсуде хIажатав вукIуна. Хадуб яслиялда ва школалда учительзабазул ва тарбиячагIазул бербалагьиялда гъоркь вукIуна. Гьез хIаракат бахъула берцинаб тарбия ва лъай кьун, гIумрудул нухде гьев тIовитIизе.

Школа лъугIун хадуб институталде цIализе лъугьиндалги гьенир ругел хIалтIухъабазул бербалагьиялда гъоркь вукIуна. Гьелдалъун абизе бокьараб жо буго киве кканиги инсанасе къваригIунин учитель абун. Учитель гьечIони цебетIей букIунаро. РухIанияб рахъ бацIцIад гьабиялъулъги, ай хIасад, гIужбу, рияъ, ракIхъублъи ва гьелда релълъарал рекIел унтабаздаса инсан вацIцIалъиялъеги гьев хIажалъула рухIанияв тохтурасде. Унтидал тохтурасухъе рекерулелго гIадин, цере рехсарал унтаби сах гьариялъеги, гьелдасаги цIакъ, векеризе мустахIикъав вуго инсан шайихасухъе.

Нилъеда бихьула, авлахъалда жиндие хъулухъ гьабичIеб гъветIалъул пихъги ва хъулухъ гьабураб ахикь бижаралъул пихъги. Авлахъалда бижараб гъотIол пихъалда релълъуна, шайихги гьечIого, живго цIакъав лъугьун камиллъизе яхI бахъулев.

Къуръаналда буго аят (магIна): «Я гьал иман лъурал гIадамал! Нуж хIинкъа Аллагьасдаса гьереси бицун гIузру бачине ва нуж рукIа иманалъулъги бицунеб рагIулъги ритIухъал гIадамалгун цадахъ», - илан. (Сурату «Тавбат», аят 119)

Гьаб аяталъулъ ТIадегIанав Аллагьас нилъ ахIулел руго диналъулъ ритIухъал гIадамалгун цадахъ рукIиналде. Жакъа къоялъ гьелги ккола Аллагьасул вализаби, шайихзаби, гIалимзаби. Аварагас абуна: «ГIалимзаби аварагзабазул ирсилал руго», - ян. (Абу Давуд, Тирмизи) Аварагасул заманалда асхIабзабаз хIаракат бахъулаан кидаго авараггун цадахъ рукIине.

Авараггун цадахъ рукIиналъ гьезулъ дин щулалъулаан, рухIанияб рахъ къуватлъулан ва Аллагьасул рахъалъан нигIматги чвахулаан. Жакъа, авараг нилъеда гьоркьовги гьечIеб мехалъ, хIаракат бахъизе ккола гьесул ирсилазда цадахъ рукIине. Гьелги ккола унго-унгоял гIалимал, гIелмуялда гIамалги рекъарал, хIакъикъиял шайихзаби, тIарикъаталъул муршидал. Гьезул баракат камун нилъ хутIугеги. Амин!

ЖАБИР МАЖИДОВ

2026-09-15 (РабигIул ахир 1448 с.) №18.


Президентас ХасмухIаммадида баркана

Россиялъул президент Владимир Путиница баркана Дагъистаналъул хӀурматияв инсан, 95 сон тӀубарав ХасмухӀаммад Абубакаровасда гьавураб къо. Дагъистаналъул кӀудияв эменин абула гьесда гьев лъалел чагӀаз. Гьесул гӀумру буго къвакӀиялъул ва исламалъе хъулухъ гьабиялъул мисаллъун. Гьес гӀумру гьабуна...


Мадраса рагьана МагIлибги

Хьаргаби районалъул МагIли росулъ рагьана цIияб мадраса. Гьелъие цIарги кьуна Дагъистаналъул муфти, шайих АхIмад-афандиясул. Мадрасалда чIезарун руго киналго шартIал. Руго цIалул кабинетал, библиотека ва мутагIилзабазе хIажатабщинаб. Мадраса рагьиялъул хIурматалда тIобитIана динияб мажлисги....


РакI чIаго гьабулеб

Гьаб заманалда гIемерисеб мехалда дунялалъул ишазда сверун лъугьун рукIиналъ нилъ лъугьунел руго аслияб иш кIочон толеллъун. Нилъер ракI буго черх чIаго гьабун би жиндасан сверулеблъун гуребги иманалъул ракIбацIцIалъиялъул унго-унгоял бусурбабазул хасияталъул бакI ва нилъ Халикъасда ﷻ хурхинарулеб...


Египеталде сапар

Египеталде сапаралъ араб Дагъистаналдаса делегация дандчӀвана Вакъфазул рахъалъ министр Усама ал-Азгьаригун. Дагъистаналъул делегациялда гъорлъ рукӀана: ДРялъул диниял суалазул ва миллияб политикаялъул министрасул заместитель ТӀагьир Сутаев, министрасул кумекчи ГӀабдулбасир Абакаров, ДРялъул...


Жиндаго тIад хIалтIи

Нилъеца гьарулел гIамалал ритIарал ругищали яги чиядехун гьабулеб гIамалалъулъ тохлъи биччалищали пикруго гьабулищ нилъеца? Мекъи рукIин лъалищ, къабул гьабулищ, гьеб битIизабизе хIаракат бахъулищ?   Гьайгьай, гьелъул пикру гьабизе ккела. Лъазе ккола аварагзаби хутIизегIан, гунгутIабаздаса...