Квешал пикраби…

Щибаб лахIзаталъ нилъер бетIералда жаниб азар-азар батIияб пикру бачIуна. Гьезулги гIемерисел рукIине рес буго квешал пикраби. ГIадамаз гIемер цIехола къварагIел гьечIел пикраби рачIунилан. Аллагьасдехун ﷻ къварагIел гьечIел пикраби рачIун цо-цоял гьабизе жо лъаларого хутIула. Мунагь букIинищ гьединал пикрабазухъ? Квешаб пикру бачIинабизе хIарамаб буго. ХIарамаб бугеб гIадин квешаб жо чиясул бицине гьединго квешаб пикру бачIинабизе хIарамаб буго.

ТIадегIанав Аллагьас Къуръаналда абуна (магIна): «Я иман лъурал гIадамал! Нуж рикIкIалъе ракIалда кколел, жидер хIакъикъатги лъаларел пикрабазда нахърилълъиналдаса гьезда рекъон хIукму гьабиялдаса, гьеб пикруялда рекъон муъминзабазда гIайиб чIваялдасаги» (Сура «ХIужурат», аят 12).

Цо-цо пикраби шайтIаналдаса руго ва инсан мунагьалъулъ ккола. Нужеца гIадамазул гIайибал цIехоге, гьезул хабаралда балъго гIенеккуге. Нужеца цоцазда нахъасан гъибатги гьабуге. Гьев чи аскIов гьечIев мехалъ бокьулареб жо бицун ва къадру-къимат гIодобегIан гьабун жо бицун кIалъаге. Гьеб цIакъ кIудияб мунагь буго. Гьеб ккола нилъеца чиясул гьан кванай гIадаб жо. ЦIакъ къабихIаб квешаб гIамал буго гьеб. Гьединго къабихIаб гIамал буго гъибат, бугьтан мацI гьабиги. Гьелда руссинегIан нилъее лъикIаб гьечIищ Аллагь ﷻ рехсезе. ГIумар асхIабас абуна: «Нужеца тIадчIей гьабе Аллагь ﷻ рехсеялда, хIакълъунго гьеб дару буго. Нуж рикIкIалъе гъибат ва гIадамал рехсеялдаса гьеб унти ккола», – ян.

Бухари ва Муслимица Абу Гьурайратидасан бицараб хIадисалда буго Аварагас ﷺ абунин: «Нужеца цIуни гьабе заннуялдаса. ХIакълъунго занну ккола пикрабазул бищун гьересияблъун».

ХаватIирал ва нилъее бокьичIого рачIунел пикраби нахъчIван гьезул хал гьабичIого тани тIаса лъугьун тола ай мунагь хъваларо гIалимзабазул тIадрекъараб рагIиялда рекъон. Щайгурелъул нилъер ихтияраялда гьечIо гьел пикраби ва гьездаса рорчIизе бакIги гьечIо.

Аварагасул хIадис буго: «ТIадегIанав Аллагьас ﷻ гьаб дир умматалдаса тIаса лъугьун тана тIаде рачIунел пикраби», – ян.

ГIалимзабаз гьаб хIадисалъе баян гьабун абуна пикраби къабул гьабун гьечIебгIан заманаялъ тIаса лъугьун толин. Амма нилъеца къабул гьабуни ва нахъги чIвачIони мунагьалъукье ккола. Щибаб нухалъ гъибаталъул пикраби рукIа яги цогидаб жоялъул пикраби рукIа нилъеда тIалъула гьел нахъчIвазе. Гьединго гьединал пикрабазе цогидаб загьирияб гуреб батIияб магIнаги кьезе тIалъула. Мисалалъе гьединаб магIнаялда букIун батиларо, яги дир гьединаб пикру букIун батиларо абун сверизабила пикру батIияб рахъалде.

Шамил МухIаммадов

2026-08-01 (Сафар 1448 с.) №15.

Унти буго Аллагьасул ﷻ рахIматазул цояб, гьелъ загьир гьабула инсанасул загIиплъи ва хIалкIвей гьечIолъи. Унти рикIкIуна гIицIго черхалъул къварилъилъун гуребги, иман щула гьабизе бачIараб хIалбихьилъунги мунагьал чурулеб алатлъунги. ХIадисалда бицараб кинниги, унтараб мехалъ сабру гьабиялъ...

ГъазМухIаммадов Жамалудин ккола Хунзахъ районалъул Харахьи росулъа. ЦIалана экономистасул махщалие. ХIалтIана батIи-батIиял идарабазда бухгалтерлъун. ГьабсагIаталда гIумру гьабун вуго ЦIияб Хушет поселокалда. Кидаго букIана спорталъулгун щулияб гьудуллъи. Гьанже нахъацин гIолохъабазда кIоларел...

Дагъистан Республикаялъул муфти, шайих АхӀмад-афанди гӀахьаллъана РФялъул президентасул Северияб Кавказалъул федералияб округалда вугев вакил Юрий Чайкал нухмалъиялда гъоркь тӀобитӀараб данделъиялда. Гьениб гьоркьор лъун рукIана миллатазда ва диназда гьоркьоб рекъел цӀуниялъул ва гьеб щула...

Беларусиялъул муфти Абубекир Шабановичасухъе гьоболлъухъе щвана Дагъистан Республикаялъул муфтияталъул делегация. Гьелъие нухмалъи гьабуна регионал церетӀезариялъул департаменталъул начальник АхӀмад Надирбеговас. Гьединго делегациялда гьоркьор рукӀана ДРялъул муфтияталъул пресс-хъулухъалъул...

Руччабазул гӀемер гьикъулеб суал буго Алжаналда рукIунел хIурулгIинзабазул хӀа-къалъулъ. ГӀемерисезе бокьуларо росас цоги лъади ячине, ахираталда гьесие щвезе рес бугей хIурулгIин гьей ятанигицин. Кинниги Аллагь гIадилав вуго. РитӀухъаб гӀумру гьабурал, БетIергьан разияб хIалалъ хьвадарал...

Квешал пикраби…