Аслияб гьумералде

Рузман къоялъ салават цIалиялъул хIикмат

Рузман къоялъ салават цIалиялъул хIикмат

Рузман сордоялъ ва рузман къоялъ цIакъго хирияб буго салават цIализе. ГIемер цIаларабгIан лъикIабги буго. ГIалимзабаз абула бищун дагьаб къадар бугин 300 нухалъ цIалийилан абун. Гьеб къоялъ кIал кквезе карагьалъула, рузман къоялда цадахъ хамиз яги шамат къояз кIал кквечIони. Гьелъие гIиллаги буго, салават цIалиялъе рухI букIиналъе гIоло. КIал ккурав чи дагьав загIипго вукIунелъулха. 

 

Гьединго имам КъустIуланияс «Мавагьибу Ладуният» абураб тIехьалда хъвалеб буго: «Авараг ﷺ ккола тIолабго гIаламалъул сайид. Рузман къоги бищун хирияб буго, цогидал къоязда дандеккун. Салаваталъул хиралъи буго рузман къоялъ цIикIкIун цогидал гIибадатазда данде ккун. Дунялалдаги ахираталдаги умматалъе щвараб нигIмат ва лъикIлъи щола аварагасдасан ﷺ, ай ТIадегIанав Аллагьас ﷻ аварагасде ﷺ рещтIинабула ва гьесдасан умматалъе бикьула. Щолеб лъикIлъиги умматалъе рузман къоялъ щола. Гьеб къоялъ гьезие кьола алжаналъур рукъзал, алжаналде лъугьиндал гьезда гьебги батула. Гьеб къо МухIаммадияб умматалъе гьаб дунялалда гIидлъун ккола. Гьеб къоялъ бусурбабазе кутакаб пайда щола, гьезул хIажат БетIергьанас тIубала, гьарараб къабул гьабула. Гьеб кинабго бусурбабазе щвана авараг ﷺ сабаблъун. Гьелъ щукру ва рецц гьаби, гьединго, дагьа-макъаб бугониги гьесул хIакъ тIубайлъун ккола гьеб къоялъ салават гIемер битIи», - ян.

Гьеб къоялъ цIализе хирияб буго сура «Кагьф». Гьелъул цIалулеб заман хутIун, хутIараб заман инабизе ккола салават цIалулаго. Аллагьас ﷻ тавпикъ кьеги нилъее гьеб къоялъ ва сордоялъ салават гIемер битIизе.

 

Шамил МухIаммадов

 

2026-09-15 (РабигIул ахир 1448 с.) №18.


Къинал руччабазе малъа-хъваял

Лъимер гьабизе йигеб заман буго цIакъ кIвар бугеб гIуж. Гьеб заманалда, хасго чIужугIаданалъ, жиндирго сахлъи ва рацIцIалъи, кванил ва цогидалъулги низам цIунизе ккола. Гьединго халкквезе ккола тIад ретIунеб ратIлида хадубги. Лъимер ва жийго квачалдаса цIунизе ккола, тIадкъараб ретIел, угъдул...


Гъваридаб лъай

Гьале тIаде щвана цIалул заман. Киналго лъимал школаздеги, студентал цIалул идарабаздеги хьвадун байбихьула жидерго лъай цIикIкIинабизе. Исламалда лъай тIалаб гьабиялде кьола бищун цIикIкIун кIвар. Гьелде тIоритIел гьабулел аяталгун хIадисал гIемерал руго. Цересел номеразда гьелъул хIакъалъулъ...


Ракьулъ бижулеб гIурдахIан

Камъат (гIараб мацIалда факъгI абунги лъала, гIурус мацIалда трюфель) ккола ракьулъ бижулеб кваназе бегьулеб гIурдахIан. Хасго гьеб гIемер батула ГIагараб Машрикъалъул ва Шималияб Африкаялъул авлахъазул гIатIилъабазда, гьениб гьеб загьирлъула цIад бан хадуб. Гьеб гIажаибаб ракьалъул нигIматалъе...


Кванил адабал

Кваназе байбихьилалде цин кверал чурила, гьелъ кванида баракат лъола, цинги «Бисмила» бахъила ва абила: «Аллагьумма барик лана фима разакътана ва къина гIазаба ннари», - абун. Кваналев чиясул ниятги букIина диналъе къуват бачIинеян абураб. Гьединаб ниятгун кванани, квенги...


Учительзабиги кIочон течIо

Хъайтагъ районалда тӀобитӀана РабигIул аввал моцӀалъе сайгъат гьабураб гӀелмияб мажлис. Гьелда гӀахьаллъана районалъул бетӀер ХӀасанов Запир; районалъул имамзабазул советалъул председатель - Салимов ГӀабдулла; Югалъулаб территориалияб округалда Дагъистан Республикаялъул муфтияталъул вакил Рамазанов...