ТалихIаб хъизан

Хъизан ккола кидаго унеб букIунеб ва жинда хурхун гьабулелъулъ гIезегIан захIмалъаби дандчIвалеб нух. Гьелда тIад хIалтIи гьаби къотIизе тезе бегьуларо, тани - хадуб щвезе бугеб талихIалдаса махIрумлъизе рес буго. Хъизамалда гьоркьоб бугеб ишалъулъ гIадамазул букIуна батIи-батIияб хIалуцин ва дандеккунгутIаби. Цо-цо мехалъни абураб рагIи, гьабураб калам сабаблъун рачине бегьула дандеккунгутIиялде яги гьелъул гIаксалда, абураб рекIее гIун, цоцада гьоркьоб рокьи цIикIкIиналде.

Рехсей гьабила чанго рагIул, гьоркьоблъиялъе кумек гьабизе яги зарал гьабизе бегьулел:

Дуца киданиги рокъоб къваригIараб, бихха-тараб къачIан щибго жо гьабуларо.

Дур кумек гьечIого дида рокъосел хIалтIаби гьарун бажаруларо.

Дуего бокьараб гьабе, щиб дица абуниги мун гIенеккуларевлъи лъала.

Дие бокьула, щиб жо гьабизе батаниги, гьелъие нилъеца цадахъ ургъун хIукму гьабизе.

Дие бокьун гьечIо мунгун кIалъазе.

Гьанже гIемер гъира бугеб хIал гьечIо, бегьулеб батани, рачIа дагьаб хадуб гьабизе.

Щиб гьабулеб бугониги, дургун цадахъ гьабураб лъикI лъугьунаро.

Гьабе гьитIинабго кумек, мун аскIов (й) вукIун (йикIун), дуца малъун гьабураб лъикI лъугьуна.

Дуца гьеб ургъунгойищ гьабураб дир керен унтизелъун.

Мекъи кколарев чи вукIунаро.

Лъала гьеб тохлъукьего лъугьараб жо букIин, дуе бокьуларо дир ракI къварид гьабизе.

Дуца абула мун гуревги (гурейги) рукIунин, дун гьечIони лъие мун къваригIун вугев (йигей) абун.

Мун вуго (йиго) дие хIажатав (й), цогидазул кIвар гьечIо.

Дуда дун киданиги вичIчIичIо (йичIчIичIо).

РачIа цоцазда ричIчIизе хIаракат бахъизе. Дие бокьун буго, гьоркьоблъи лъикI букIине рекъелги гьабун, гьанжеялдасагIаги берцинаб къагIидалда рукIине.

Дун витIарав (йитIарай) вуго (йиго), киданиги мекъи кколаро.

ТIаса лъугьа, дун мекъи ккана.

Дун хIалтIулев (й) вуго (йиго), квалквал гьабуге.

Жакъа дир гIемераб хIалтIи буго. Щиб хIажат букIараб?

Дуда аскIоб киданиги рекIее парахалъи букIунаро.

Мун дие къиматав (й), хирияв (й), вокьулев (й) вуго (йиго), рачIа хиянат гьабунгутIизе.

Хъизан цIуни ва берцинаб гьоркьоблъи букIин мурад батани, рукIа цоцазе насихIатал гьарулеллъун, лъикIалде кантIизарулеллъун.

МухIаммадгIариф Къурбанов

2026-09-15 (РабигIул ахир 1448 с.) №18.

Инсанас ретIулеб ретIелги берцинлъиялъе хIалтIизе гьарулел жалги хIалалал рукIуна, гIаммаб куцалда босани. Кинниги гьезда гъорлъ руго хIалтIизаризеги ва гьездалъун къачIадизеги бегьуларел жалги. Гьел киналго хIалтIизаризе бегьулел жал руго Аллагьас нилъее дунялалда ругебгIан заманалъ...

Гьаб заманалда гIемерисеб мехалда дунялалъул ишазда сверун лъугьун рукIиналъ нилъ лъугьунел руго аслияб иш кIочон толеллъун. Нилъер ракI буго черх чIаго гьабун би жиндасан сверулеблъун гуребги иманалъул ракIбацIцIалъиялъул унго-унгоял бусурбабазул хасияталъул бакI ва нилъ Халикъасда ﷻ хурхинарулеб...

Хъайтагъ районалда тӀобитӀана РабигIул аввал моцӀалъе сайгъат гьабураб гӀелмияб мажлис. Гьелда гӀахьаллъана районалъул бетӀер ХӀасанов Запир; районалъул имамзабазул советалъул председатель - Салимов ГӀабдулла; Югалъулаб территориалияб округалда Дагъистан Республикаялъул муфтияталъул вакил Рамазанов...

Дагъистаналъул муфти, шайих АхӀмад-афандица, ГӀиса аварагасул цIаралда бугеб централда къабул гьавуна Гъарабудахкент районалъул Параул росулъа гӀараб каллиграфиялъул устар Аширлаев Сулейман. Гьес сайгъат гьабуна хирияб Къуръаналъул жинцаго квералъ хъвараб, цогидаздаса батӀияб нусха. ГӀага-шагарго...

Нижер росулъа сахаватав инсан Чарандал вас ГIамиргIалица жиндирго инсул букIараб мина къачIазеги къачIан кьуна росдал мадрасалъе. Киналго росдал гIадамал кутакалда рохун ва разиго руго ГIамиргIалица гьабураб гьеб баракат цIикIкIараб ишалдаса. Гьанже рес рекъана мадрасаялда лъимал ва чIахIиял...

ТалихIаб хъизан