Лимоналъул лълъел пайда ва зарал
Сахлъи цIуниялъулъ бищунго машгьурал ва пайдаял гьекъолел жалазул цояблъун рикIкIуна лимоналъул лъим. Гьелъ кумек гьабула иммунияб система щулалъизабизе, тIолабго черхалъул хIалтIи лъикIлъизабизун гIаммаб къагIидаялъ ургьимес бацIад гьабизе.
Лимоналъулъ букIуна цитрат абураб гIуцIи, гьелъ кумек гьабула почкабазда цо-цо тайпаялъул ганчIал лъугьин дагьлъизабизе. Учёныяз гьарурал цIех-рехаздаса кьолеб буго лимоналъул лъим гьоркьоса къотIичIого гьекъеялъ лъикIаб асар гьабулин почкабазул сахлъиялъего абун.
Витаминазул ва минералазул къадар цIикIараб букIиналъ, лимоналъул лъим лъикIаблъун бихьизабураб буго гIаммаб къагIидалда хIалтIизабизе.
Гьединго лимоналъул лъим бечедаб буго чорхолъ бищунго кIвар бугеб антиоксидантазул цояб С витаминалъги. С витаминалъ кумек гьабула эркенал радикалазул заралиял асаралдаса клеткаби цIунизе, иммунияб система лъикI хIалтIизабизе, бидурихьалги щулалъизаризе.
РакIедагун лугбузда батIи-батIиял унтаби ккеялъул хIинкъабиги дагьлъизарула. Квачалда дандечIеялъеги квербакъула.
Лимоналъул лълъел цоги кIвар бугеб пайда ккола квен бигьинаби. Радалиса хинаб лълъимгун жубан гьеб гьекъеялъ кумек гьабула кванирукъалъулгун бакьазул нухал лъикI хIалтIизаризе, квен бигьаго къватIибе хъамизе ва запорал дагьлъизаризе. Жеги гьелъ кумек гьабула кванирукъалъул хIалтIи зарал ккеялдаса цIунизе ва метаболизм лъикIлъизабизе.
Гьединлъидал, гIемер экспертаз лъикIаблъун бихьизабула къо цIияб лимон цо стакан лълъимгун жубан гьекъон байбихьизе.
Лимоналъул лълъел буго бигьаго кIуш хъамиялъеги асар. Гьелъ кумек гьабула кIуш хьвадулеб нухал рацIцIад гьаризе. Заралиял бактерияби лъугьине тунгутIизе.
Лимоналда гъорлъ буго нервабазул гIуцIиялъул ва ракIалъул хIалтIиялъулъ кIудияб бакI кколеб минералалъул калий. Калиялъ кумек гьабула бидул тIадецуй гIадатияб хIалалда чIезабизе, стресс дагьлъизабизе, макьил низам лъикIлъизабизе.
Пайдаял хаслъаби рукIаниги, лимоналъул лъеца зарал гьабизеги бегьула. Кислота гIемераблъун букIиналъ, квешаб асар гьабизе бегьула цаби-гIусазул эмалалъе. Кванирукъалда унтаби ругезги цIодорлъи гьабизе ккола.
