Риидалил нигIматал
Риидалил нигIматал
Пихъал ва овощал гьарзаяб заманги гьаб бугелъул, нилъецаги битIун пайда босизе ккола Аллагьас кьурал гьел нигIматаздаса. ГIалимзабаз абула пихъалгун овощал кванаялъ инсанасул иммунитет щула гьабулин абун. Гьезулъ руго антиоксидантал, ай къаркъала херлъизаби хIинцлъизабулел жал. БитIараб къагIидаялда пихъалгун овощал кванаялъ инсанасул сахлъи щулалъула.
Пихъаздасаги овощал цIикIкIун кванайинги абула. Витаминаздалъун гуребги, овощал бечедал руго железо, магний, кальций, калий ва цогидалги хIажатал жалаздалъун.
Пихъалгун овощал кванаялъ инсанасул чорхое щола органикиял кислотаби ва эфирниял нахал. Гьез кумек гьабула квен бихIинабизе.
Сордо-къоялда жаниб 400 грамм пихъалгун овощал кванаялъ дагь гьабула рекIел, чакрил ва онкологиял унтаби ккей.
Пихъалгун овощал ккола, аслияб къагIидаялда, черхалъе пищевиял волокнаби кьолел нигIматал. Гьел волокнабаз лъикIаб асар гьабула чехь-бакьалъул хIалтIи лъикIлъизабиялъе, беэнлъи къаркъалаялда рекъезабиялъе, хIажат гьечIеб холестерин чорхолъа къватIибе иналъе.
Пихъалгун овощал кванаялъул пайдаби
- Лъималазул лага гIола;
– ГIумру халат гьабула;
– Психикияб рахъалъ сахлъи цIунула;
– РакIалъул хIалтIи лъикIлъизабула;
– Онкологиялъул унтаби ккеялдаса цIунула;
– Кьаралъиялдаса цIунула;
– Чакрил унти ккеялъе бугеб хIинкъи дагь гьабула;
– Чехь-бакьалъул хIалтIи лъикIлъизабула;
– Чорхол иммунитет щула гьабула.
