Дунялалъул къварилъаби

ХIурматиял бусурбаби, дунялалда багъа-бачари камураб заман букIинчIин абизе бегьула. Амма гьаб заман ахиралде кканагIан цIакъго гIемер рихьулел руго тунка-гIусиял, рагъал ва цогидалги гIаммаб къануналдаса рахъарал ишал. Ахирзаман гIагарлъиялъул гIаламатаздасан рикIкIараб жоги ккола гьеб.

Къиямасеб къоялде заман гIагарлъарабгIан питнаби цIикIкIине руго

Гьаб ахирал къоязда цIакъго хIалуцун руго Палестинаялда кколел тунка-гIусиял. КIудияб захIмалъиялде ккезарун руго гIемерал бусурбаби, хасго лъималгун руччаби. Гьеб хабаралъ ракI унтичIев чиги цониги ватиларо бусурбабазда гьоркьов. Абизе бегьула, бажарараб жо гьабулеб бугин Дагъистаналъул бусурбабазгийилан. Гьале къокъаб заманалда жаниб саламатаб къадар гIарцул бакIарана Палестинаялъул бусурбабазе. Гьединго щивав чияс жиндир дугIадулъ ва рузманалда мажгитахъ Аллагьасда гьарулеб буго гьезда тIад бугеб захIмалъи тIаса босейин абун.

Къиямасеб къоялде заман гIагарлъарабгIан питнаби цIикIкIине ругин Бичасул аварагасул ﷺ хIадисаздасан лъала нилъеда. Абугьурайратидаса бицараб хIадисалда буго: «Къиямасеб къо чIоларо ракьалдаса гIелмуги тIагIинчIого чIвай-хъвейги цIикIкIинчIого», - ян. Гьеб заман тIаде щваралдаса гIезегIан мех ана.

Ракьалда тIад зулму цIикIкIун, гьереси-гъибат, цIогь, хиянат, хъамалчилъи ва цогидалги квешал рахъал гIемерлъун руго.

Нилъ руго Аллагьасул лагъзал. Гьаб дунялалъул тадбир кодосевги нилъ рижарав ва хьихьулев БетIергьан вуго. Нилъер иш буго нигIматазухъ шукруги, захIмалъиялда сабруги гьабун, дунялалда кьурал къоял инарулел рукIин. Нилъеда бажарулеб жо буго тIолгодунялалъулго бусурбабазе балагь-къварилъи тIаса босагиян хириял гIужазда дугIа гьабулел рукIин.

ГIабдуллагь МухIаммадов

2026-09-15 (РабигIул ахир 1448 с.) №18.

Дагъистаналъул муфти, шайих АхӀмад-афандица, ГӀиса аварагасул цIаралда бугеб централда къабул гьавуна Гъарабудахкент районалъул Параул росулъа гӀараб каллиграфиялъул устар Аширлаев Сулейман. Гьес сайгъат гьабуна хирияб Къуръаналъул жинцаго квералъ хъвараб, цогидаздаса батӀияб нусха. ГӀага-шагарго...

Хъайтагъ районалда тӀобитӀана РабигIул аввал моцӀалъе сайгъат гьабураб гӀелмияб мажлис. Гьелда гӀахьаллъана районалъул бетӀер ХӀасанов Запир; районалъул имамзабазул советалъул председатель - Салимов ГӀабдулла; Югалъулаб территориалияб округалда Дагъистан Республикаялъул муфтияталъул вакил Рамазанов...

Хьаргаби районалъул МагIли росулъ рагьана цIияб мадраса. Гьелъие цIарги кьуна Дагъистаналъул муфти, шайих АхIмад-афандиясул. Мадрасалда чIезарун руго киналго шартIал. Руго цIалул кабинетал, библиотека ва мутагIилзабазе хIажатабщинаб. Мадраса рагьиялъул хIурматалда тIобитIана динияб мажлисги....

МацIихъанлъи гьаби ккола цо чияс абураб жо цогидасда бицин, гьелъ жинда бицарав чиясул жиндаса бицарав чиясдехун дагьабниги рокьукълъи, ракIхвей бижизабулеб бугони. Къуръаналда мацIихъан какун вуго. ХIадисалдаги буго мацIихъан Алжаналде лъугьинарин абун. Гьел ккола Аллагьасул бищун ццим...

Россиялъул президент Владимир Путиница баркана Дагъистаналъул хӀурматияв инсан, 95 сон тӀубарав ХасмухӀаммад Абубакаровасда гьавураб къо. Дагъистаналъул кӀудияв эменин абула гьесда гьев лъалел чагӀаз. Гьесул гӀумру буго къвакӀиялъул ва исламалъе хъулухъ гьабиялъул мисаллъун. Гьес гӀумру гьабуна...

Дунялалъул къварилъаби