Аслияб гьумералде

«Марва-Тур». 15 сон

«Марва-Тур». 15 сон

МахӀачхъалаялда бугеб Гьудуллъиялъул минаялъуб тӀобитӀана «Марва-Тур» гӀуцӀаралдаса 15 сон тӀубаялда хурхараб тадбир.

«Марва-Тур» ккола хӀежалде унезе квербакъи гьабиялъул мурадалда гIуцIараб туроператор.

Гьел соназда жаниб рехсараб гӀуцӀиялъ бихьизабуна божизе бегьулеб идара жибго букIин ва щивав хӀажичиясул ургъелги тIаде босулеблъи.

Гьеб тадбиралъул хӀурматияв гьоболлъун вукӀана Дагъистаналъул муфти, шайих АхӀмад-афанди. Баркиялъулал хитӀабал гьаруна «Уйташ» абураб халкъазда гьоркьосеб аэропорталъул директор Николай Субботиница ва исламиял гӀелмабазул доктор МухӀамад КъахӀибскияс.

Гьез компаниялъул командаялда юбилей баркана ва баркала загьир гьабуна бажарараб куцалда гӀемерал соназ хIажизабазе гьабулеб бугеб хъулухъалъухъ.

Тадбиралъул аслиял лъугьа-бахъиназул цояблъун букӀана «Марва-Тур» компаниялъ 55 сон барай Хадижатие, гӀемерал соназ захӀматго унтарал гӀагарлъиялъул гIадамазда хадуб бербалагьи гьабуралъухъ ва рокъовеги вачун бесдалав хьихьаралъухъ гӀумраялде ине ихтияр кьолеб путевка кьей.

Гьединго гӀумраялде ине путевка кьуна Болъихъ районалъул Муни росулъа Савдатие. Гьей йиго гIумруялъул нухда гIезегIан захIмалъаби дандчIварай, росги кӀиго васги хварай гIадан. Тадбиралда бихьизабуна «Этос» абураб къокъаялъ «Авараггун дандчӀвай» абураб театралияб постановкаги.

Дагъистаналъул муфти, шайих АхӀмад-афандиясул баракаталдалъун, гӀумраялде ине путевкаби щварал гьел руччабазе рес кьуна чIобого хӀежалде инеги.

2026-09-01 (РабигIул аввал 1448 с) №17.


Хъизан цIуне

Хъизан гьаби ккола ТIадегIанав Аллагьасда цебе кIудияб жавабчилъи. Нилъеца хъизан гIуцIула Аллагьасул амруялдалъун ва Аварагасул ﷺ суннаталдалъун, гьединлъидал, нилъеца хIаракат бахъизе ккола диналъ малъараб куцалда хъизамалда гIумру гьабизе.   Квеш ккараб жо, жакъа гIемерал хъизамал...


Лъаялъул байрам

Хъумторхъала райналъул ракьалда бугеб ЦIияб ГIурада росулъ тIобитIана лъай кьеялъул ва рухIияб тарбия щвеялъул мурадалда гIуцIараб байрам. Гьениб росдал лъималаз ва гьидерил росабалъа рачIарал гьитIичаз бихьизабуна жидерго лъай. Гьез цIалана Къуръан ва кьуна батIи-батIиял гIелмиял суалазе жавабал.


Мисал босула

Бищун талихIавлъун ккола Аллагьас ﷻ тIадкъарал хIукъукъалги тIуралев, хирияв Аварагасул ﷺ суннатги цIунулев ва исламалда рекъон хъизан-агьлуялъе тарбияги кьолев чи. Лъимералъ тIаса бищулеб нух бараб букIуна эбел-инсуда.   ГIемер абулеб рагIула, эбелалда яги инсуда релълъарав вугин абун....


Алжаналде нух

Дунялалъул кинабго иш сабабазда базабун бугебго гIадин, инсан дунялалде вачIинги эбел-инсудалъун буго. Лъиего балъгояб жо гуро лъимаде эбел-инсул букIунеб гурхIелги, кIудияб тIалаб-агъазги. Гьединлъидал нилъеда исламалъ тIад гьабула эбел-инсул камилаб адаб гьабизе. Къуръаналъулги ахIи буго...


Аварагасул ﷺ ирсилазул цояв

(Байбихьи цересел номералда)   Гьелдаса хадуб рагьун дин биччазегIан гьев мубарак жиндирго цIулал хIалтIиги гьабун гIадамазда гьоркьов гIадатияв чилъун вукIун вуго. Дагъистаналде зияраталъ вачIанщинахъе гьес рещтIен гьабулеб букIун буго ХасмухIаммад-хIажиясухъ. Гьесул гIумрудул цIех-рех...