Аслияб гьумералде

КIудияб мажгит рагьана

КIудияб мажгит рагьана

Дагъистаналъул Огни шагьаралда тIобитIана Югалъулаб Дагъистаналда бищунго кIудияблъун рикIкIунеб мажгит рагьиялъул рахъалъ мажлис. Гьелда гIахьаллъи гьабуна Дагъистаналдаса гуребги, Северияб Кавказалъул республикабаздаса ва Россиялъул регионаздаса рачIаразги. Гьезда гьоркьов вукIана ДРялъул Халкъияб Собраниялъул председатель Заур Аскандеров, Миннацалъул нухмалъулев Энрик Муслимов, Дагъистаналъул Огни шагьаралъул мэр Жалалудин Алирзаев, Дербент районалъул бетIер Мавсум РахIимов, Новосибирск областалъул муфти Салим-хIазрат Шакирзянов, Аль-Азгьар мажгиталъул имамзабазул цояв, хIафиз, шайих МахIмуд Абу Дейф ва цогидалги. Мажлисалда гIахьаллъи гьабуна Дагъистаналъул муфти, шайих АхIмад-афандицаги.

КIалъазе рахъараз бицана жамгIияталда цIунизе кколел рухIиял хазинабазул, бусурбабаз гьудуллъи-вацлъиялда гIумру тIамизе кколеблъиялъул, нилъеего бокьулареб чияе гьабизе бегьулареблъиялъул хIакъалъулъ. Бицана мажгитазул бугеб кIваралъул, гьел чIорого тезе бегьунгутIиялъул. 

Мажлис лъугIана цадахъаб кIалбиччаялдалъун. Гьеб къоялъин абуни кIал биччазе гьенив данделъун вукIана 15 азаргогIанасев чи.

ЦIияб мажгиталъул хIакъалъулъ абуни, гьеб буго 7000 чияс цадахъ как базе рес бугеб, кIитIалаяб.

 

2026-09-01 (РабигIул аввал 1448 с) №17.


Аварагасул ﷺ ирсилазул цояв

(Байбихьи цересел номералда)   Гьелдаса хадуб рагьун дин биччазегIан гьев мубарак жиндирго цIулал хIалтIиги гьабун гIадамазда гьоркьов гIадатияв чилъун вукIун вуго. Дагъистаналде зияраталъ вачIанщинахъе гьес рещтIен гьабулеб букIун буго ХасмухIаммад-хIажиясухъ. Гьесул гIумрудул цIех-рех...


Тафсир агьлуялъул маяк

Имамзабазул, хасго чIахIиял гIалимзабазул къимат лъала гьезул таржама гъваридго лъазабидал. Гьелдаго цадахъ имам вокьизеги вокьула. Амма лъаларев чи вокьизе кIоларо. Аварагас ﷺ абухъе, гIалимзаби ккола гьесул ирисилал. Щайгурелъул, Аварагас ﷺ жинда хадуб тола гIелму. Гьел ккола гьеб ирс босулел ва...


ДугIаялъул хиралъи

ДугIа гьаби ккола гIибадаталъул ракI гIадаб жо. ДугIа гьабиялда жаниб лагъас жиндирго мискинлъи, гIодовегIанлъи, Аллагьасде ﷻ живго хIажалъи, Аллагьасул ﷻ бечелъи загьир гьабулеб буго. Кинабго жоялъулъ Аллагьасде ﷻ гьардолел рукIине ккола. Нилъее, Аллагьас ﷻ кьураб гурони, щибго жо...


ХIалтIи лъикI букIине

Гьабулеб хIалтIи-пиша лъикI букIине (баракат) бокьарас тIадчIей гьабила щуго жоялда.   ХIалтIи сабаблъун Аллагьас ﷻ тIадкъарал жал нахърахъуге ва кIарчанлъиги гьабуге. Жиндир заманалда тIадкъарал жал тIурани, хайир батила. ХIалтIи сабаблъун Аллагьасул ﷻ махлукъат хIакъир гьабуге. Нилъер...


Минскалда тIобитIана халкъазда гьоркьосеб форум

Беларусь Республикаялъул тахшагьар Минскалда тӀобитӀана «Механизмы укрепления межкультурного взаимодействия и духовно-нравственных ценностей на международной арене» абураб цIаралда гъоркь халкъазда гьоркьосеб форум. Исламияб маданияталъул, гӀелмуялъул ва лъай кьеялъул фондалъул...