Аслияб гьумералде

Имамасул нух

Имамасул нух

 

Цо-цо чагIи рукIуна районалъул имамас гьабулеб хIалтIул магIна бичIчIуларел, щиб гьез гьабулебин абулел. ХIакъикъаталдайин абуни гьез тIубазе кколебщинаб бихьани, гьаб хIалтIи гьабизего бокьиларинги ккола. Гьединлъидал, гьезул хIалтIул цо гьитIинабго бутIа бихьизабиялъул мурадалда, жакъа нижергун гара-чIвариялда вуго Унсоколо районалъул имам МухIаммад ГIабдулахIидов.

 

 

 

 

Гьев цо соналъ цIалана ЦIияб ЧIикIаб росдал мадрасаялда, лъабго соналъ цIалана ГIасаб росдал мадрасаялда. Гьединго щуго соналъ цIалана Хьаргаби росдал мадрасаялда. ЛъагIел бана гIелму цIалулаго Буйнакскиялда. Гьениса витIана ГIашилтIа росдал мадрасаялде ва лъагIелгун бащдаб гьенибги бан вачана Унсоколо росдал мадрасаялде.

ХIалтIана ГIашилтIа росдал имамлъун.

 

- МухIаммад, гIемерисеб мехалда районалда гьабулеб хIалтIул хIакъалъулъ бицани бокьилаан.

- Аслияб куцалда тIоритIула мажлисал. Щибаб росулъ кьолел дарсазда хадуб букIуна бербалагьи. ЖамагIатазулгун гьабула гьоркьоса къотIи гьечIеб хIалтIи. ТIурала хвел-хобалалда хурхарал суалал. «Ас-салам» казияталъул хIалтIиги гьабула цадахъго. Масала, районалъе бихьизабун букIараб къадаралдаса 200 экземпляралъ цIикIкIун хъвана исалмияб казият. 6-7 нухалда, кумекалъе рачун гIолохъабигун цогидал районаздеги ун рукIана подписка гьабиялъе кумек гьабизе. Имамзаби щвезе ккола батIи-батIиял чагIазухъе, цIехезе ккола гьезул ахIвал-хIал. Ригьин гьабиялда жаниб буго лъугIелго гьечIеб хIалтIи. БитIараб бицани, хIалтIи буго гьабурабгIан ва нижеца кIвараб хIаракатги бахъула тIадкъараб иш ракIбацIцIадго тIубазабизе.

 

 

 

 

- ГIолилазулгун гьабулеб хIалтIи букIунищ?

- Ниж кидаго щола росабазул школазде. Бицуна хабар, гьарула вагIзаби, тIоритIула спортивиял турнирал. ГIолилалги данде ракIарун тIоритIула батIи-батIиял тадбирал. Гьединал ишаз хIасилги кьола.

Гьединго гIолохъабазда бичIчIизабула хIарамал ва заралиял жалаздаса рикIкIад чIезе кколеблъи. КIвараб хIаракат бахъула тIаде гIолеб гIел пайдаяб ишалде буссинаризе.

 

- МухIаммад, щиб абилеб казият гьоркьобккун?

- Баркала кьезе бокьун буго росабазул имамзабазе. Гьез гьабулеб хIалтIи буго цIакъго кIудияб. Гьединго киназего гьарула тIад таразе мутIигIлъизе къуватги сабруги. Тавпикъ камун нилъ тогеги.

 

Гара-чIвари гьабуна Шамил МухIаммадовас

 

 

2026-09-15 (РабигIул ахир 1448 с.) №18.


Сапаралда кинав вукIарав Авараг ﷺ?

Сапар буго инсанасул гIумруялъул цо бутIа. Муъминзабазе гьеб ккола Аварагасдаса ﷺ мисал босун ТIадегIанав БетIергьанасде ﷻ гIагарлъизе рес щвейги. Нилъер Аварагас ﷺ нухда кинаб хьвада-чIвади букIине кколебали малъа-хъваял гьари гуребги, жиндирго мисалалдалъунги бихьизабуна сапаралда ругелъул...


Сахаватав инсан

Нижер росулъа сахаватав инсан Чарандал вас ГIамиргIалица жиндирго инсул букIараб мина къачIазеги къачIан кьуна росдал мадрасалъе. Киналго росдал гIадамал кутакалда рохун ва разиго руго ГIамиргIалица гьабураб гьеб баракат цIикIкIараб ишалдаса. Гьанже рес рекъана мадрасаялда лъимал ва чIахIиял...


Жиндаго тIад хIалтIи

Нилъеца гьарулел гIамалал ритIарал ругищали яги чиядехун гьабулеб гIамалалъулъ тохлъи биччалищали пикруго гьабулищ нилъеца? Мекъи рукIин лъалищ, къабул гьабулищ, гьеб битIизабизе хIаракат бахъулищ?   Гьайгьай, гьелъул пикру гьабизе ккела. Лъазе ккола аварагзаби хутIизегIан, гунгутIабаздаса...


РакI чIаго гьабулеб

Гьаб заманалда гIемерисеб мехалда дунялалъул ишазда сверун лъугьун рукIиналъ нилъ лъугьунел руго аслияб иш кIочон толеллъун. Нилъер ракI буго черх чIаго гьабун би жиндасан сверулеблъун гуребги иманалъул ракIбацIцIалъиялъул унго-унгоял бусурбабазул хасияталъул бакI ва нилъ Халикъасда ﷻ хурхинарулеб...


Аллагьас ﷻ цIунула

Балагь, рекIее хIалхьи толарел ахIвал-хIалал ва захIмалъаби тIаде рачIуна нилъер щивасде. Гьаб дунялалъул рукъ гьедин гIуцIарабги буго. Амма нилъер гIумруялъул аслулъун бугеб мурад ва гьаб дунял жидее щиб бакI бугебали бичIчIи бугез дандчIварал къисматалъул киналго захIмалъаби къвакIун хIехьола....