Табрикоти муҳаррир
Табрикоти муҳаррир
Азизон ва хонандагони арҷманд. Имрӯз ки мо дар омад омади Иди мубораки Фитр қарор дорем. Шуморо бо иди бузурги Фитр самимона табрик мегӯям.
Худованд ҳар як амали хайрро қабул гардонад, баракати бепоён низ ато фармояд. Офаридгорро ситойиши беандоза дорам, ки ба мо имкон дод то, ки ин айёми муборакро бубинем. Аз Ӯ таманно дорам, ки дар соли оянд моро аз ин раҳмати худ маҳрум насозад. Худованди мутаъол тамоми гуноҳони моро биомурзад, рӯзаву намозу закот ва ҳамаи амали хайри дар ин моҳи шариф кардаро қабул гардонад ва савоби онро чандин баробар созад! Бигзор ахлоқу амали нек, ки дар моҳи Рамазон ба даст овардаем, то абад бо мо бимонад ва ҳар гуна гуноҳу амали бад, ки аз он раҳо кардаем, ҳаргиз ба сари мо барнагардад!
Иди Рамазон омаду моҳи Рамазон рафт,
Сад шукр, ки ин омаду сад ҳайф, ки он рафт.
Аз Худованди мутаъол ба хотири ин моҳи муборак талаб мекунам, ки моро аз мусибату бадбахтӣ, ҷангу ҷидол дар паноҳаш нигоҳ дорад. Омин!
