Фаллакулча

Маҳсулоти лозима: 180 грамм фалла, 2 тухм, 0,5 намак, 50 грамм панир, 40 грамм орди биринҷӣ. Тарзи таҳия: Панирро аз тарошаки сурохиҳояш хурд гузаронед.

Ба он тухму намак илова карда, омезиш диҳед. Сипас орди биринҷӣ илова карда, хамир омода созед. Ба тоба коғази пухтупазӣ тунук карда, дар он хамирро бо дастонатон ғафсияш 0,5-0,7 сантиметр тунук кунед. Фаллакулчаро дар тафдони ҳарораташ 180 дараҷа муддати 20-25 дақиқа пазед.

Чалпак аз сабзкаду

Маҳсулоти лозима: 500 грамм сабзкаду (кабачок), 1 тухм, 1 дона пиёз, 3 қошуқ орд, намак, мурч, 3-4 қошуқ равғани растанӣ. Тарзи таҳия: Кадучаро аз турбтарошаки сӯрохиҳояш васеъ гузаронида, обашро ҷабида партоед. Ба он пиёзи аз турбтарош гузаронидаро бо тухми хом, намак ва каме мурч илова кунед. Мувофиқи табъ метавонед хуштамъкунандаҳои дигарро низ андозед. Ордро кам-кам андохта, нағзакак якҷоя кунед, то ки лӯнда назанад. Равғанро дар тоба тафсонида, аз хамири кадудор якқошуқӣ рехта, дар тоба сурх кунед.