Нархи Ҳаҷ барои соли 2026 арзон шуд
Арзиши Ҳаҷҷи фарзӣ барои зоирини тоҷик имсол 53 ҳазор сомонӣ муқарар шуд. Дар ин бора Афшини Муқим, сухангӯи Кумитаи дин, танзими анъана ва ҷашну маросим хабар додааст.
Ин арзиш нисбат ба соли гузашта 3800 сомонӣ арзонтар мебошад.
Барои сафар ба Ҳаҷ дар соли 2025-ум 56 ҳазору 800 сомонӣ пардохт карда мешуд.
Таъкид шуд, ки маблағи сафари Ҳаҷ тавассути “Ориёнбонк” пардохт карда мешавад. Оқои Афшин ҳамзамон гуфт, ки Кумита аз ҳоло озмун барои дарёфти роҳбаладонро низ оғоз кардааст.
Ёдовар мешавем, ки хоҳишмандони сафар ба Ҳаҷ дар Тоҷикистон сол ба сол зиёд мешавад. Шаҳрвандон барои анҷомдодани маносики динӣ барои сафар ба Арабистони Саудӣ аз кишварҳои ҳамсоя аз ҷумла Ӯзбекистон истифода мекунанд, зеро арзиши сафар дар ин кишвари ҳамсоя нисбат ба Тоҷикистон арзонтар мебошад. Ба иттилои сарчашмаҳои ғайри расмӣ арзиши сафари Ҳаҷ наздик ба ҳазор доллар баробар аст, ки гоҳе ба доми қаллобон меафтанд. Чанд маротиба чунин ҳолати фиреби ширкатҳои ӯзбекистонӣ расонаи шуда буд.
Аз ҷумла мақомоти Ӯзбекистон ҳафтаи гузашта аз ошкор шудани як ширкати қалобӣ бо номи “Жалолқудуқ Авиатранс” хабар дод, ки наздик ба 20 ҳазор шаҳвандро фиреб додааст.
