Ширкати муштзанҳои ҷавони тоҷик дар Ҷоми ҷаҳонӣ
Дар шаҳри Бангкоки Тайланд аз 8-уми март Ҷоми ҷаҳонии бокс (U-19) оғоз шуд, ки то 15-уми март идома мекунад. Тоҷикистонро дар мусобиқа 10 муштзани ҷавон (8 писар, 2 духтар) намояндагӣ мекунанд.
Ҳайати Тоҷикистонро дар мусобиқаи мазкур Аъзамҷон Ҳасанов (50 кг), Аъзам Одилзода (55 кг), Амирбек Маҳрамов (60 кг), Аҳмадшоҳ Ҳошимов (65 кг), Муҳаммад Мамадалиев (70 кг), Исфандиёр Ҳошимов (75 кг), Хуҷамуминҷон Холов (80 кг), Ҷаҳонгир Рӯзибоев (85 кг), Фариноз Абдуллоева (54 кг) ва Мино Аъзамзода (60 кг) намояндагӣ мекунанд.
Сармураббиҳо Рустам Музаффаров, Асомиддин Бурҳонов, Хуршед Абдуллоев ва Ҳасан Мӯсоев дар мусобиқа роҳнамоӣ ҳайати бокси Тоҷикистон мебошанд.
Дар ин мусобиқа 500 муштзани 85 кишвари ҷаҳон ширкат доранд. Ин аввалин иштироки муштзанҳои тоҷик дар мусобиқаҳои Федератсияи ҷаҳонии бокс (World Boxing) мебошад.
