Соли нави мелодӣ ҳам фаро расид
Рӯз ба хайр хонандагони
азизи мо!
Пеш аз ҳама, аз файзу баракати Офаридгор, ки дар ин соли 2022 ба мо ато фармуда буд, сипосгузорӣ кунем. Бо мадади Худованди бузург ва таҳти роҳбарии устодони коршиноси хеш, соли гузашта ҳайати эҷодии рӯзномаи «Ас-салом» ба забони тоҷики нашр карда, дар бораи усули маънавият, ахлоқи ҳамида, одаму одамгарӣ ва дигар паҳлуҳои рӯзгори имрӯзаро каме бошад ҳам, шарҳу баён додем. Шоёни зикр аст, ки барои хубтару беҳтар кардани сифати хабарҳои рӯзнома ва ба зудӣ дастраст кардани он талош дорем. Дар ин соли гузашта, нависандагону дӯстони зиёде пайдо кардем, ки атрофи масъалаҳои гуногуни рӯзгор хабару ривоятҳо нависем. Бисёре аз назария ва тавсияҳои Шуморо қабул фармуда, барои амалӣ шудани онҳо низ кӯшиш ба харҷ хоҳем дод. Барои алоқамондию бетараф набудан аз Шумо хеле сипосгузорем. Дуруди бепоён бар Офаридгор, ки мададгори мост ва назарбинии хонандаро сол ба сол зиёда карда истодааст. Барои боварӣ ташаккури зиёд. Пурсишу дархости Шумо ҳаргиз дар канор нахоҳад монд. Илова бар ин, нашрияи «Ас-салом» дар роёна (интернет) низ чандин расонаҳои хабарӣ дорад. Шумо метавонед аз сомонаи расмии мо ва дигар саҳифаҳои электронӣ истифода карда, бо хабарҳои мо ошнойӣ пайдо кунед. Ба воситаи телефони дастӣ Шумо метавноед ба рӯзномаи мо овбуна шавед. Акнун, хонанадаи мо метавонад, ки ба расонаҳои электронии мо дохил шуда, хабарҳои барояш писандро ба забони модарӣ бихонад.
Хулоса, дар поёни сухан ба Шумо ва хонаводаи Шумо ва хонандаи азиз дар ин соли нав беҳтарин рӯзгорро орзу дорем. Тансиҳативу осмони софро бароятон хоҳонем. Бигзор соли нав ҳаводиси саропо хушӣ, эҳсосҳои мусбат, бозёфтҳои наву давстовардҳои бисёре биоварад. Бигзор дар хонадони шумо ҳамеша фазои мусбат, ишқ ва самимият ҳукмфармо бошад. Бигзор ҳар рӯзи шумо лабрези саъодату бовармандӣ ба фардои беҳтар бошад. Саломату хушҳол бошед.
