Чӣ бояд кард, то зиндагии мо беҳтар шавад?
Чӣ бояд кард, то зиндагии мо беҳтар шавад?
Мардуми сайёра дар интизори хуб шудани вазъияти душвор ҳастанд. Ба андешаи мо, дар ин лаҳзаҳо мунтазир нишастан ҷуз зарба задан ба буҷаи оила таъсири дигаре надорад. Бояд аз ҷой бархосту бо кӯшишҳои хастагинопазир кор карда, дар фикри пайдо кардани бурдаи ноне барои худу азизон шуд. Агар ҷуз ин амал кунем, моро чӣ рӯзҳое интизор аст, онро хуб медонем.
Ҳар нафаре, ки дорои фаҳмиши баланд асту масъулияти хонаводаеро ба зимма дорад, баробари хондани ин сатрҳо бо нерӯи қавиву руҳияи шикастанопазир аз рӯйи он амал мекунад. Ӯ ҳеҷ гоҳ ноумед намешавад, зеро медонад, ки шаб чӣ қадар дилгиркунандаву сарду дароз бошад, субҳ низ дораду ӯ ин ҳама азобро ба хотири азизонаш таҳаммул мекунад. Ҳаргиз, дар ҳеҷ замон набояд аз по афтоданамонро ба дигаре нишон диҳем. Зиндагӣ монанди имтиҳон аст, ки агар аз он боре афтодӣ, танҳо худат метавонӣ интихоб кунӣ, ки боз идома медиҳӣ ё на. Оре, интихоби фардо дар дасти мост ва танҳо барои хушбахтӣ бояд талош кард.
Муҳаммадфарух Азимов
