Шеър

Умрро бикоҳонад

Умри мардумро бикоҳад панҷ чиз,
Ёдгираш, чун шунидӣ, эй азиз.
Шуд яке з-он панҷ дар пирӣ ниёз,
Пас ғарибӣ в-он гаҳе ранҷи дароз.
Ҳар кӣ ӯ бар мурда андозад назар,
Умри ӯ бешак, бикоҳад, эй писар.
Панҷ омад тарсу ваҳм аз душманон,
Умрро инҳо ҳаме дорад зиён.
Ҳар кӣ ӯ аз душманон тарсон бувад,
Кори ӯ ҳар лаҳза дигарсон бувад.
Аз худо тарсу матарс аз душманон,
К-аз ҳама дорад худоят дар амон.

Бесуботии чор чиз

Чор чиз, эй хоҷа, кам дорад бақо,
Гӯш дор, эй мӯмини маймунлиқо.
Ҷаври султонро бақо камтар бувад,
Пас итоби асдиқо камтар бувад.
Бо раият чун кунад султон ситам,
Мардро бошад бақо дар мулк кам.
Гар туро аз дӯстон ояд шитоб,
Камбақо бошад чу хат дар рӯи об.
Гарчи бошад зан замоне меҳрубон,
Чун кам ояд баҳра, бикшояд забон.
Чун ба ноҷинсон нишинад одаме,
Камтарак бинад аз эшон ҳамдаме.
Зоғ чун фориғ зи бӯи гул бувад,
Нафраташ аз сӯҳбати булбул бувад.
Сӯҳбати ноҷинс ҷолнкоҳӣ бувад,
Ҷумларо з-ин ҳол огоҳӣ бувад.
Чун туро ноҷинс ояд дар назар,
Эй писар, чун бод аз вай даргузар.

Ақлу оқилон

Ҳар киро ақл аст, дониш, эй азиз,
Дур бояд буданаш аз чор чиз.
Кори худ бо носазо накунад раҳо,
Мард мекунад ба ҷои носазо.
Ақл дорӣ, майли бекори макун,
З-ин чу бигзаштӣ, сабуксори макун.
Ҳар киро аз ҳилм дио равшан бувад,
Дар замона бо салоҳи тан бувад.
То шавӣ пеш аз ҳама дар рӯзгор,
Даст бар нону намак бикшода дор.
То ту боши дар замона додгар,
Зердастонро накӯ дорӣ асар.
Ҳар кӣ ӯ аз аз ҳирс дунё дор шуд,
Бегумон, аз вай худо безор шуд.
Баҳри зар мастоӣ дунёдорро,
То чӣ хоҳи кардан ин мурдорро.
Мурдагонанд ағниёни рӯзгор,
Эй писар , бо мурдагон сӯҳбат мадор.
Молу зар беҳад ба даст оварда гар,
Баъд аз он дар гӯри ҳасрат бурда гар.

Чаҳор Китоб