Туҳфа аз Бузургвор

Туҳфа аз Бузургвор

Дар 1 соли хониш, Юнус барои харидани телефон кам-кам пул ҷамъ кард. Ҳар замоне, ки падар, ё модараш ба ӯ барои дар мактаб хӯрок хурдан пул медоданд, ба хона оварда, ба сандуқча ҷамъ мекард. Пешакӣ бо дӯсташ барои харидани телефон маслиҳат карда, либос пӯшида, ба кӯча баромад. Саиди дӯсташ дар ҳамсоягӣ зиндагӣ мекард. Дӯсташро дида, хурсанд шуд, лекин медид, ки аз чизе парешонӣ дорад. Юнус аз Саид пурсид, ки чӣ ҳодиса шуд.

- Хоҳари хурдиям бемор аст. Модарам маро барои дору ба дорухона равон кард. Пули додааш ба 1 дору расиду тамом. Дар хона бошад, дигар пул надорем. Намедонам чӣ хел ба хона равам. Модарам хеле нороҳат мешавад. Биё, рафта каме бозӣ кунем, каме баъд хона меравам. Юнус мехост худро ба бозӣ диҳад, намешуд. Аз фикраш сухани Саид намебаромад. Худро ба ҷойи Мариям гузошта, мариз ҳис кард, ки ҳозир дору хӯрданаш зарур аст. Писар аз ёд бароварда буд, ки барои харидани телефон берун назди дӯсташ баромадааст ва дар бараш пул дорад.

- Ба ман рӯйхати доруҳоро бидеҳ,-пурсид Юнус. Саид барои чӣ напурсида, варақро дод. Юнус варақро гирифта, давида ба дорухона рафт. Доруҳоро гирифта, баромада, барои харидани меваҷот тарафи мағоза шуд. Хушҳол шуд, ки ҳама чизи лозимиро пайдо кард. Пеши Саид, ки ӯро интизор буд, омад.

- Пули барои телефон ҷамъ кардаатро сарф кардӣ? Бояд ин хел намекардӣ. Ту орзу доштӣ, ки телефон бигирӣ!- ҳайрон шуд Саид. - Телефонро метавонам баъдтар бихарам, лекин саломатии Мариям муҳимтар аст,-Юнус чунин суханро мегӯяду ҳамроҳ сӯйи хонаи Саид мераванд. Боз берун баромада, шом дер чизере интизор нашуда, хона медарояд. Падару модараш барои хониши аъло телефон туҳфа каранд. Саид хеле хурсанд шуд. -Ҳамд ба Худо! Ҳамд ба Худо! Ин туҳфа аз Бузургвор аст,-гуфта асли воқеаро низ нақл кард.

ФИРӮЗА ЯНГАЗИЕВА

Тарҷумаи Шамсиддини Муқим