8 намояндаи тоҷикистон дар сафи 50 беҳтаринҳои ҷаҳон
8 намояндаи тоҷикистон дар сафи 50 беҳтаринҳои ҷаҳон
Аз рўи натиҷаҳои соли 2023 ҳашт намояндаи Тоҷикистон ба сафи 50 беҳтарин ҷудокори ҷаҳон шомил шуданд. Федератсияи байналмилалии ҷудо (IJF) рейтинги ҷаҳонии ҷудокоронро аз рўи натиҷаҳои соли 2023 нашр кард, ки миёни 50 беҳтарин 8 намояндаи Тоҷикистон низ ҳузур доранд.
Шаш нафари онҳо айни замон дар рўйхати варзишгароне қарор доранд, ки квалификатсияи олимпиро иҷро кардаанд. Агар дар раддабандии ҷаҳони онҳо то 23-юми июни соли 2024 мавқеашонро аз даст надиҳанд, ҳадди ақал 5 нафари онҳо ба Бозиҳои олимпии 2024 дар Порис роҳ меёбанд. Дар вазни то 66 кг Нурали Эмомали ва Обид Ҷебов дар рўйхати имтиёздорони олимпи қарор доранд, лекин тибқи қоида, танҳо яке аз онҳо ба Бозиҳои олимпи роҳхат мегирад. Темур Раҳимов имсол шумори имтиёзҳои худро то 6260 (соли гузашта 6024 буд) расонида, дар вазни зиёда аз 100 кг дар зинаи аввал боқи монд. Дар вазни то 90 кг Комроншо Устопириён имсол каме мавқеашро аз даст дода, акнун зинаи 19-умро ишѓол мекунад (соли гузашта дар ҷойи 15-ум буд). Сомон Маҳмадбеков дар вазни то 81 кг босуръат боло ҷаҳида, ба зинаи 6-уми раддабандии ҷаҳон баромад ва дар раддабандии олимпи 10- ум шуд. Як сол пеш ў мақоми 49-умро ишѓол мекард. Пешравии Беҳрўз Хоҷазода ҳам қобили зикр аст. Аз зинаи 47-уми соли гузашта ў ба ҷойи 15-ум дар ҷаҳон боло рафт.
