Ҳисобҳои якхела дар вохўрии даври ҳаштуми лигаи олии футболи Тоҷикистон

Ҳисобҳои якхела дар вохўрии даври ҳаштуми лигаи олии футболи Тоҷикистон

Дар даври ҳаштуми вохўриҳои Лигаи олии Чемпионати футболи Тоҷикистон панҷ бози баргузор шуд, дар се бози ҳисоби якхелаи 1:0, дар ду бози ҳисоби 1:1 ба қайд гирифта шуд ва як бозии дигар ба вақти дигар гузаронида шуд.

Дар бозии байни «Эсхата» бо «Вахш» аввали бо ҳисоби 1:0 пирўз шуд ва ғалабаи дуюми худро дар мавсим ҷашн гирифт. «Вахш» яке аз ду дастаи ин мавсим аст, ки то ҳанўз дар ягон бози мусови накардааст. Дастаи «Истаравшан» низ пирўзии дуюмашро пайиҳам ба даст овард. Ин навбат истаравшаниҳо дар меҳмони «Кўктош»-ро мағлуб (1:0) карданд. Дастаи «Хуҷанд» тавонист дар дақиқаи 98-уми бози аз бохт наҷот ёбад. «Равшан»-и Кўлоб буд, ки дар меҳмони бо ҳисоби 1:0 дар пеш буд, аммо соҳибони майдон бо шумораи камтари бозигарон тавонистанд мусови кунанд. «Ҳосилот» ва КМВА имтиёз тақсим карданд - 1:1. «Регар-ТадАЗ» пас аз пирўзи бар «Панҷшер» (1:0) аз мусовии КМВА истифода карда, ба зинаи дуюм наздик шуд. Бозии «Истиқлол» бо «Барқчи» ба вақти дигар гузаронида шуд. «Истиқлол» ягона дастаест, ки то ҳол мағлуб нашудааст ва яке аз ду даста, ки дар ягон бози мусови ҳам накардааст.