Рӯйдодҳои муҳими варзишӣ
Мусобиқаҳои олимпӣ бе мухлис хоҳад гузашт
Вазир, ё аниқтараш масъули ХХХII-юм бозиҳои олимпии тобистонаи Токио дар назди порлумони Ҷопон бону Марукаватамаё дар ВАО расман хабар дод, ки мусобиқаҳои варзишкоронро бе мухлис хоҳем гузаронид. Масъалаи ба варзишгоҳ иҷозат надодани мухлис баъди он ба миён омад, ки паҳншавии мараз авҷ гирифта истодааст ва аз рӯзи 12 июл дар шаҳри Токио ҳолати фавқулъода элон кардаем. Барои эҳтиёти шаҳрвандони дохили ва бурунмарзӣ маҷбур ҳастем, ки мусобиқаҳоро бе мухлис гузаронем. Аз рӯйи ҳисоби тахмин дар олимпиада 11 ҳазор варзишкор, наздики 55 ҳазор хизматрасони онҳо, 5 300 намояндаи расмии давлатҳо, ҷамъ ба Токио тахмини 80 ҳазор кормандони кумитаи олимпи давлатҳо ҳатман хоҳад омад.
Дар мавсими гузаронидани бозиҳо дар олимпиада аз кишварҳои дигар ба Токие 509 ҳазор мухлис омодааст, ки омада, барои тими миллии хеш мухлисӣ кунад. Хулоса, барои ин бозиҳо аз дохил ва беруни кишвар наздики 5-8 миллион мухлис аз 3 ҳазор доллар ҷопониён ва то 18 ҳазор доллар шаҳрванди хориҷӣ харҷ намуда, метавонист иштироки фаъолона кунад. “Ҷаноби “Ковид-19“-и хеле муҳтарам”-ми мо 100-ҳо миллард доллардро несту нобуд ва аз ҳама муҳим он, ки ҳузури одамро аз мухлисии холисона ва шоҳиди қаҳрамони нави мусобиқаҳои олимпӣ шудани варзишкорон маҳрум сохт. Афсӯс, чунин аст достони талхи бозиҳои олимпӣ, ки маротибаи аввал дар таърих хоҳем дид.
Таърихи 1 бозии олимпӣ
Соли 1939 шаҳрдории Кортина-Ампетссои вилояти Белуннои Ҷумҳурии Италия барои моҳи феврали соли 1944 гузаронидани V-умин бозиҳои олимпии зимистонаро иҷозат гирифта буд. Соли 1940 бинобар сабаби аз тарафи Олмон оғоз кардани Ҷанги 2-ми ҷаҳонӣ, тамоман гузаронида нашуд. Ҷанги хонумонсӯзи Ҷаҳонӣ моҳи сентябри соли 1945 ба поён расид. Баъди 3 сол, яъне соли 1948 V-умин бозиҳои зимистона дар шаҳри Санкт-Моритсеи Ҷумҳурии Федеративии Швейтсария баргузар гардид. Шаҳрдории Кортина-Ампетссои Италия соли 1956 варзишкорон ва меҳмонони VII-умин бозиҳои олимпиро қабул карда буд.
Чашмони дарвозабони Данияро хира карданд
Баъди бозии нимфиналии дастаҳои футболи Англия ва Дания Кумитаи риояи интизоми бозиҳои Иттиҳоди футболи Аврупо (UEFA) парвандаи ҷинойӣ кушод. Бозӣ рӯзи 7 июли соли равон дар варзишгоҳи “Уэмбли” шаҳри Лондон ба ҳисоби 2 бар 1 ба фоидаи дастаи Англия ба анҷом расид. Гап сари он меравад, ки дар 104 дақиқаи вақти иловагӣ, ҳини задани зарбаи пеналти, шахси номаълум аз минбари варзишгоҳ аз дастгоҳи лазерӣ истифода карда, чашмони дарвозабони даниягии 32 сола, Каспер Петер Шмейхелро хира кард. Дарвозабон зарбаро гардода бошад ҳам, вале ҳуҷумкунандаи дастаи Англия Гарри Едвард Кейни 27 сола, аз нобиноии даврвозабон истифода карда, дубора тӯбро ба дарвоза зада, бозиро буд кард. Хулосаи мутахассисони ҷаҳони футбол он аст, ки ҷинояткорро ёфта ҷазо хоҳанд дод, лекин бозиро аз нав гузаронидан ғайри имкон аст.
ШАМСИДДИНИ МУҚИМ
