Тоҷикистон дар Дубай бо Саудӣ ва Имороти Муттаҳида бозӣ мекунанд
Тими миллии наврасони Тоҷикистон дар роҳи омодагӣ ба Ҷоми Осиё-2026 аст, ки ду бозии дӯстонаи муҳимро дар пеш доранд. Ҷавонони тоҷик бо ҳамсолони худ аз Арабистони Саудӣ ва Имороти Муттаҳидаи Арабӣ бозӣ анҷом медиҳанд.
Ба иттилои Федератсияи футболи Тоҷикистон, ҳар ду бозӣ дар шаҳри Дубай баргузор хоҳанд шуд:
13 январ -бозӣ бо яккачинҳои Арабистони Саудӣ.
16 январ -рақобат бо тими наврасони Имороти Муттаҳидаи Араб.
Ин бозиҳои санҷишӣ барои дастаи Тоҷикистон имконияти арзишманд мебошад, то қобилияти хешро дар муқобили ҳарифони қавии минтақавӣ санҷида, омодагии худро барои мусобиқаи муҳими Ҷоми Осиё-2026 такмил диҳанд.
Интихоби Дубай ҳамчун макони марказ барои омодашавӣ ба наврасони тоҷик имкон медиҳад, ки дар шароити иқлимии мусоид ва бо ҳарифони сатҳибаланд тамрин намоянд.
