Панҷ нишони паҳлавонони Тоҷикистон аз чемпионати кураши осиё
Панҷ нишони паҳлавонони Тоҷикистон аз чемпионати кураши осиё
Аз 6 то 10-уми июн дар шаҳри Теҳрони Эрон Чемпионати кураши Осиё баргузор шуд, ки дар он паҳлавонони Тоҷикистон ширкат карданд ва 5 медал ба даст оварданд.
Дар Чемпионати 13-уми кураши Осиё 200 варзишгар аз 20 кишвари қора, аз Ҷумла паҳлавонони Тоҷикистон низ ширкат карданд. Паҳлавони маъруфи тоҷик Шакармамад Мирмамадов дар вазни +100 кг соҳиби нишони тилло шуд. Варзишгарони дигари тоҷик Мирзоҷамил Рамазонов (дар вазни -73 кг) медали нуқра, Раҳматуллобек Фарҳодов (-81 кг), Умар Расулов (-90 кг) ва Фирдавс Насимов (-100 кг) медалҳои биринҷӣ ба даст оварданд. Дар ҳисоби даставӣ Тоҷикистон бо 5 медал пас аз Ўзбекистон (5 тилло, 1 нуқра, 1 биринҷӣ) ва Эрон (1 тилло, 5 нуқра, 1 биринҷӣ) ҷойи сеюмро сазовор шуд.
