Фазилати моҳи Муҳаррам
Муҳаррам моҳи нахустини солшумории ҳичрии қамарӣ, яке аз моҳҳои дувоздаҳгона мебошад. Ин моҳро аз сабаби он Муҳаррам меноманд, ки яке аз чаҳор моҳҳои ҳаром мебошад, ки арабҳо пеш аз зуҳури ислом дар ин моҳҳо чанг карданро ҳаром мешумориданд ва ин чаҳор моҳ Муҳаррам, Раҷаб, Зулқаъда ва Зулҳиҷҷаанд.
Ҳамаи шумоёнро бо омадани моҳи Муҳаррам табрику муборакбод менамоям!
Бовари дорам, ки ҳар яки шумо хуб медонед, ки рӯзи 30-уми июл рӯзи якуми моҳи Муҳаррам аст. Мехоҳам бисёр фазилатҳои ин моҳи пурфайзро нависам, зеро ин моҳ сар то по нур аст. Шахсоне, ки ҷӯёи савоби зиёд бошанд, пас дар ин моҳ ибодат кунанд, Иншоаллоҳ ба савоби зиёде нойил мегарданд. Ногуфта намонад, ки рӯзи 10-уми моҳи Муҳаррам рӯзи Ошуро аст.
Аз Абуҳурайра ривоят аст, ки Расулаллоҳ ﷺ фармудаанд, ки: Беҳтарин Рӯза баъд аз рӯзаи моҳи шарифи Рамазон рӯзаи моҳи Муҳаррам ва беҳтарин намоз баъд аз намози фариза намози шаб (таҳаҷҷуд) аст. (Муслим)
Аз «Малфуз»-и Шайхулислом (Қаддаса сирруҳул-ъазиз) ривоят мекунанд, ки ҳар ки ҳар рӯз, ё ҳар шаби моҳи Муҳаррам ин калимотро сад бори бигӯяд, Ҳақ таъоло ӯро аз оташи дузах озод гардонад. Калимот ин аст:
Бисмиллоҳир-раҳмонир-раҳим. Ло илоҳа илал-лоҳу вахдаху ло шарика лаҳу лаҳулмулку ва лаҳулхамду юхйи ва юмиту ва ҳува хайюл-ло ямуту зулҷалоли вал-икроми биядиҳил-хайру ва ҳува ъало кулли шайин қадир. Аллоҳумма ло мониъа лимо аътайта ва ло муътия лимо манаъта ва ло рода лимо қазайта ва ло янфаъу зал-ҷадди минкал-ҷадд.
