Намоз
Намозҳои фарз ва суннатҳои бо он пайваст шуда.
1 - Намози саҳарӣ (Бомдод).
2 ракъат суннат ва 2 ракъат фарз.
2 - Намози нисфирӯзӣ (Пешин).
4 ракъат суннат, 4 ракъат фарз ва 2 ракъат суннат.
3 - Намози баъди нисфирӯзӣ (Аср).
4 ракъат фарз аст.
4 - Намози бегоҳӣ (Шом).
3 ракъат фарз ва 2 ракъат суннат.
5 - Намози шабона (Хуфтан).
4 ракъат фарз, 2 ракъат суннат ва 3 ракъат воҷиб намози Витр.
Шартҳои намоз
1 - Доштани таҳорати хурд ва таҳорати калон.
2 - Пок кардани бадан, либос ва ҷойи намозгузорӣ аз нопокиҳои табиӣ - наҷасҳо.
3 - Бо либос пӯшонидани шармгоҳи бадан.
Эзоҳ:
Аврат барои мардон - қисми бадан аз ноф то қисми поини зону, барои занон - тамоми бадан, ғайр аз рӯй, панҷаҳои дастон ва пойҳо то шитоланг.
4 - Рӯй овардан ба Каъба.
5 - Гузоридани ҳар намоз дар вақти муайяншуда.
6 - Ният, хоҳишу иродаи дохилӣ доштан барои адои намоз.
7 - Оғоз намудани намоз бо такбир, яъне «Аллоҳу Акбар» гуфтан.
Фарзҳои намоз
1 - Намозро рост истода гузоридан, агар барои ин монеае набошад.
2 - Хондани Қуръони карим.
3 - Хам кардани миён (рукуъ).
4 - Сарро хам карда, пешонӣ ба замин расонидан (саҷда).
5 - Нишастан ҳангоми қироати дуъои «ат-Таҳийёт» дар охири намоз.
Воҷиботи намоз
- Хондани сураи “Фотиҳа” дар ҳар ракъати намоз.
- Дар ду ракъати аввалии намози фарз ва дар ҳар ракъати дигари намозҳои ғайри фарз (витр ва нафл) хондани як сура, ё се ояти кӯтоҳ ё як ояти дароз бар замми сураи “Фотиҳа”.
3 - Ҳангоми саҷда бинии худро ба замин расонидан.
4 - Ба таври комил ба ҷо овардани рукн (таъдили аркон)-ҳо.
Эзоҳ:
Рост истодан дар вақти қиём, дар вақти рукуъ пуштро рост доштан. Баъди рукуъ рост истодан. Дар байни ду саҷда ҷалса (нишаст)-ан.
5 - Дар ҷалсаи аввал ва охири намоз хондани «ат-Таҳиййот».
6 - Пас аз хондани «ат-Таҳиййот»дар намози фарз ва воҷиб дархол хестан ба ракъати сеюм.
7 - Дар охири намоз ба рост ва ба чап салом додан: «Ассалому алейкум».
8 - Дуои Кунут дар Витр намоз хондан.
9 - Дар намози ҷамоъат имом ал-Фотиҳа ва сураи иловагиро дар намози бомдод ва дар ду ракъати аввали намози шом ва хуфтан бо овози баланд хондан.
10 - Дар намози пешин ва аср, бо овози паст хонда мешавад, ва дар ракаъати сеюм ва чоруми намози шом ва хуфтан пас хонда мешавад. Намозҳои суннат, бо овози паст хонда мешаванд.
