Ду медали варзишгарони Тоҷикистон аз Чемпионати Осиё

Ду медали варзишгарони Тоҷикистон аз Чемпионати Осиё

Аз 25 то 30-юми март дар шаҳри Аммони Урдун Чемпионати куштии Осиё дар намуди тарзи озод ва юнону румӣ баргузор шуд, ки паҳлавонони Тоҷикистон ду медал ба даст оварданд.

 

Ҳайати Тоҷикистонро дар ин мусобиқа аз куштии тарзи озод Айаал Белолюбский (57 кг), Ҷамшед Шарифов (61 кг), Виктор Рассадин (70 кг), Магомет Евлоев (79 кг), Салимҷон Ҳалимзода (86 кг) ва аз куштии юнону румӣ Аслам Азизов (60 кг), Сунатулло Абдуллоев (67 кг), Лоиқ Амирхонзода (72 кг), Муслиҳиддин Уроқов (77 кг), Ҳабиб Зуҳуров (82 кг), Суҳроб Абдулҳаев (87 кг) ва Эдуард Бабеношев (+97 кг) муаррифӣ карданд. Мустафо Ахмедов (65 кг) осеб бардошт ва дар ин мусобиқа ширкат карда натавонист.

Тими мунтахаби куштии тарзи озоди Тоҷикистон як медали нуқра ва як медали биринҷӣ ба даст овард, аммо паҳлвонони куштии юнону румӣ бидуни медал мусобиқаро ҷамъбаст карданд.

Медали нуқраро Виктор Рассадин (70 кг) соҳиб шуд. Ӯ дар се давр бар намояндагони Урдун Заид Меслаҳ, Эрон Сина Маҳдӣ, Муғулистон Тулга Тимур Очир ғолиб омада, дар финал аз паҳлавони Қирғизистон Эрназар Акматалиев мағлуб шуд.

Магомед Евлоев (79 кг) ба гирифтани медали биринҷӣ даст ёфт. Ӯ зӯрозмоиро аз чорякфинал оғоз карда, бар намояндаи Ҳиндустон Чандермоҳан ғолиб омад, вале дар нимфинал аз паҳлавони эронӣ Маҳдӣ Муҳаммад шикаст хӯрд. Сипас, дар зӯрозмоӣ барои ҷойи сеюм паҳлавони қазоқ Даулет Ергешро мағлуб кард.

2026-10-01 (Рабиул ахири соли 1448) №10.


Тиҷорати Тоҷикистону Русия 21% афзуд

Савдои хориҷии Тоҷикистон дар ҳафт моҳи соли равон ба 7 млрду 943,7 млн доллар расидааст, ки дар он Русия ҷойгоҳи хост дорад. Дар ин муддат гардиши мол миёни Тоҷикистону Русия беш аз 1,5 млрд долларро ташкил додааст. Ин дар муқоиса бо январ – июли соли гузашта қариби 21% зиёд мебошад. Дар ин...


Аритмия. Вайроншавии набзи дил чӣ хатар дорад?

Дил муҳаррики асосии ҷисми инсон буда, саломатии мо пеш аз ҳама ба солимии ин узви ҳаётан муҳим вобастагӣ дорад. Аммо ҳолатҳое мешаванд, ки набзи дил вайрон шуда, иллату нуқсон пайдо мекунад.   Аз ҳамин сабаб мо тасмим гирифтем бо табиби нуқсонҳои дил, аритмологи интервенсионии Маркази...


Маркази нави омӯзишӣ барои муҳоҷирон

Дар шаҳри Душанбе боз як Маркази машваратӣ ва омодагии пеш аз сафари муҳоҷирони меҳнатӣ ифтитоҳ шуд.   Дар ифтитоҳи ин марказ вазири меҳнат, муҳоҷират ва шуғли аҳолии Тоҷикистон Солеҳа Холмаҳмадзода ва дигар масъулини дахлдор иштирок карданд. Чунин марказҳо дар шаҳрҳои Душанбе, Хуҷанд,...


САВОЛУ ҶАВОБ

Мехоҳам маънои сано, тасбеҳот, тасмеъу таҳмид ва зикру дуоҳоеро, ки дар дохили намоз хонда мешаванд, бидонам. Тарҷумаи зикрҳо ва дуоҳое, ки дар намоз хонда мешаванд, ба сурати зайл аст: Сано: «Субҳонакаллоҳумма ва биҳамдика ва таборакасмука ва таъоло ҷаддука ва ло илоҳа...


Аввалин пайванди ҷигар ва гурда дар вилояти Суғд анҷом ёфт

Дар шаҳри Хуҷанд амалиётҳои пайванди ҷигар ва гурда бори аввал дар вилояти Суғд анҷом дода шуданд. Ҷарроҳиҳо дар Беморхонаи клиникии №1-и шаҳр гузаронида шуда, ҳар ду амалиёт бидуни мушкилот анҷом ёфтаанд. Дар ин бора 2 сентябр дафтари матбуоти Вазорати тандурустӣ ва ҳифзи иҷтимоии аҳолии...