Ҷасади сарбози тоҷикистонӣ пас аз 84 сол пайдо шудааст

Пайкари Розӣ Сафар Нозимов, сарбози тоҷик, ки дар ҳайати нерӯҳои Иттиҳоди шуравӣ алайҳи Олмон ҷангида ва дар соли 1941 кушта шудааст, пайдо гардидааст. Дар назар аст, аҷсоди боқимондаи ӯро ба Тоҷикистон оварда, ба хок месупоранд.

Вай ҳамчун маллоҳи пиёдагарди артиши Шӯравӣ буда, соли 1941 дар шаҳри Севастополи Ҷумҳурии Қрим кушта шудааст. Ҷасади ӯ то кунун бедарак будааст.

Ҷасади сарбози тоҷикистониро аз ханадкҳои деҳаи Айвовоеи ноҳияи Боғчасарой пайдо кардаан. Дар ин бора 9 - уми декабр волии Севастопол Михаил Развожаев дар саҳифаи “Телеграм”-и худ хабар додааст:

“Дар хандақ боқимондаҳои ҷасади ду ҷанговар ёфт шуданд. Аз яке аз онҳо медали хуб ҳифзшуда пайдо шуд, ки ба воситаи он шахсияти ҷонбохта дарҳол муайян гардид. Ӯ маллоҳи артиши сурх Розӣ Сафар Нозимов, соли таваллудаш 1917 мебошад, ки аз 7-уми ноябри соли 1941 бедарак будааст”.

Ба гуфтаи манбаъ, хешовандони ин сарбозро дар Тоҷикистон пайдо кардаанд ва пайкараи ӯро дар шаҳри Ваҳдат писари бародараш ба хок месупорад.

Дар ҷанги солҳои 1941-1945 шумораҳои дақиқ пурра яксон нестанд, вале тибқи оморҳои расмии Русия ва муассисаҳои таърихӣ тахминан 35 млн нафар дар ҷанг иштирок кардаан, ки аз инҳо 4,5 млн нафарашон бедарак гаштанд.