Табрикоти муҳаррир
Ассалому алайкум, хонандагони арҷманд ва ҳамватанони азиз!
Дилҳоямон пур аз шукр, рӯҳоямон пур аз сурур. Худовандро бепоён сипос мегӯем, ки моро то ин дам зинда нигоҳ дошт, то бори дигар ин айёми фараҳбахшро дарк намоем.
Рамазон рафт, аммо файзу баракоти он дар дилҳоямон боқӣ монд. Мо кӯшидем, то дар ин моҳи пурфайз рӯҳи худро бишӯем, ахлоқи неки дар вуҷуди хеш ҷой диҳем. Инак, натиҷаи ин кӯшишҳо – Иди Фитр, рӯзи пирӯзии рӯҳ бар тан, рӯзи бахшоиш ва меҳрубонӣ.
Дар ин рӯзи фараҳбахш дуо мекунам, ки Парвардигори олам тамоми тоату ибодати моро дар ин моҳи шариф ба даргоҳи хеш қабул намояд. Бигзор рӯзаҳоямон, намозҳоямон, дуоҳои шабзиндадорӣ ва дигар амалҳои некамон мақбули даргоҳи Ӯ гардад ва савоби онҳоро чандин баробар созад.
Орзуи дилам он аст, ки он ахлоқи ҳамида ва некӯе, ки дар ин моҳи муборак касб кардем, дар тамоми фаслҳои умри мо боқӣ монад ва ҳеҷ гоҳ аз ёдамон наравад. Ва он гуноҳону амалҳои нописанд, ки аз онҳо дар ин моҳ даст кашидем, ҳаргиз дигар ба суроғамон наёянд.
Шукр, ки Иди Рамазон омад,
Вале ҳайф, ки он моҳи пур аз нуру баракат рафт.
Аз Худованди бузург мехоҳем, ки ба шарофати ин моҳи муборак кишвари мову шуморо аз ҳама гуна офатҳои замона – ҷангу низоъ, бадбахтӣ ва мусибат дар паноҳи хеш ҳифз намояд. Омин, ё Раббал Оламин!
Боз як бор ба ҳамаи шумо, хонандагони гиромӣ, Иди мубораки Фитрро табрик гуфта, хушбахтӣ, саломатӣ ва рӯзгори пур аз баракатро аз Худованд таманно дорам.
Идатон муборак!
