Иди Қурбон муборак!

Иди Қурбон муборак!

Бародарон ва хоҳарони азиз, мусулмонони Русия!

 

Шуморо бо фарорасии иди бузурги Қурбон самимона табрик мегӯям!

Дар ин рӯзи фархунда мо аз муҳимтарин дарсҳоеро, ки Худованди мутаъол тавассути маросими қурбонӣ ба мо медиҳад, ёдовар мешавем. Ин рӯзест, ки ҳар яки мо имкон дорем, ки садоқат ва муҳаббати худро нисбат ба Офаридгор нишон диҳем ва нисбати ҳамсоягон ғамхорӣ кунем.

Иди Қурбон бо бузургии фидокорӣ дар роҳи ризояти Офаридгори бузург ёдовар мешавад. Дар ин рӯз мо бо хушнудӣ ба ниёзмандони кумак намуда, ба аёдати дӯстону наздиконамон рафта, дуо мекунем, ки қурбониву тамоми аъмоли хайру савобамон ба даргоҳи Худованд қабул гардад.

Худованди мутаъол дар Қуръони карим ба мо ёдоварӣ мекунад (тафсири оят): “Эй муъминон, ҳеҷ гоҳ ба подоши аҳли некон ва дараҷаи онҳо намерасед то он ки дар роҳи Худо аз молҳои дӯст медоштаатон харҷ кунед. Ва ҳар чиро новобаста аз кам ё зиёд будани он харҷ мекунед, пас бегумон Аллоҳ ﷻ донандаи мақсад ва амалҳои шумост. Ба ҳар кас дар ивази кирдораш подош хоҳад дод.” (Сураи Оли Имрон, ояти 92). Бигзор ин суханон моро, бахусус дар ин рӯзи ид, водор созад, ки корҳои хайру савоб анҷом диҳем ва ба атрофиёнамон, бахусус ба онҳое, ки дар зиндагӣ мушкиливу ниёз доранд, таваҷҷуҳ зоҳир созем.

Ҳазорон нафар бародарону хоҳарони мо аз тамоми гӯшаву ватани беканорамон ба сарзаминҳои муқаддаси Маккаву Мадина барои адои яке аз рукнҳои муҳими ислом – Ҳаҷҷ сафар намуданд. Дуъо мекунем, ки Худованди мутаъол зиёрати эшонро қабул гардонад, барояшон қувват бахшаду ба ҳар амали хайр савобашон ато фармояд. Дуъою қурбонӣ ва ҳаҷҷашон қабул гардаду, дилҳояшон пур аз имону баракат ва сиҳату саломат ба назди аҳли хонавода баргарданд.

Дар ин рӯзи муқаддас мо низ аз Аллоҳ таманно мекунем, ки дар кишварамон ва тамоми олам сулҳу оромӣ бошад! Бигзор баракату раҳмати Парвардигори мутаъол ҳамаи муъминонро аз тамоми балоҳо эмин нигаҳ дорад!

Бародарону хоҳарони азиз! Аз Худованди мутаъол хоҳонам, ки ҳама намозу қурбониҳо ва садақаҳои моро қабул кунад! Омин!

Иди Қурбон муборак!

 

Муфтии Ҷумҳурии Доғистон Шайх Аҳмад Пир Абдулоев

2026-10-01 (Рабиул ахири соли 1448) №10.


Аввалин пайванди ҷигар ва гурда дар вилояти Суғд анҷом ёфт

Дар шаҳри Хуҷанд амалиётҳои пайванди ҷигар ва гурда бори аввал дар вилояти Суғд анҷом дода шуданд. Ҷарроҳиҳо дар Беморхонаи клиникии №1-и шаҳр гузаронида шуда, ҳар ду амалиёт бидуни мушкилот анҷом ёфтаанд. Дар ин бора 2 сентябр дафтари матбуоти Вазорати тандурустӣ ва ҳифзи иҷтимоии аҳолии...


Тиҷорати Тоҷикистону Русия 21% афзуд

Савдои хориҷии Тоҷикистон дар ҳафт моҳи соли равон ба 7 млрду 943,7 млн доллар расидааст, ки дар он Русия ҷойгоҳи хост дорад. Дар ин муддат гардиши мол миёни Тоҷикистону Русия беш аз 1,5 млрд долларро ташкил додааст. Ин дар муқоиса бо январ – июли соли гузашта қариби 21% зиёд мебошад. Дар ин...


Маркази нави омӯзишӣ барои муҳоҷирон

Дар шаҳри Душанбе боз як Маркази машваратӣ ва омодагии пеш аз сафари муҳоҷирони меҳнатӣ ифтитоҳ шуд.   Дар ифтитоҳи ин марказ вазири меҳнат, муҳоҷират ва шуғли аҳолии Тоҷикистон Солеҳа Холмаҳмадзода ва дигар масъулини дахлдор иштирок карданд. Чунин марказҳо дар шаҳрҳои Душанбе, Хуҷанд,...


САВОЛУ ҶАВОБ

Мехоҳам маънои сано, тасбеҳот, тасмеъу таҳмид ва зикру дуоҳоеро, ки дар дохили намоз хонда мешаванд, бидонам. Тарҷумаи зикрҳо ва дуоҳое, ки дар намоз хонда мешаванд, ба сурати зайл аст: Сано: «Субҳонакаллоҳумма ва биҳамдика ва таборакасмука ва таъоло ҷаддука ва ло илоҳа...


Аритмия. Вайроншавии набзи дил чӣ хатар дорад?

Дил муҳаррики асосии ҷисми инсон буда, саломатии мо пеш аз ҳама ба солимии ин узви ҳаётан муҳим вобастагӣ дорад. Аммо ҳолатҳое мешаванд, ки набзи дил вайрон шуда, иллату нуқсон пайдо мекунад.   Аз ҳамин сабаб мо тасмим гирифтем бо табиби нуқсонҳои дил, аритмологи интервенсионии Маркази...