Тағйирот дар қонуни Русия
Тағйирот дар қонуни Русия
Шаҳодатномаи ронандагии Тоҷикистон беэътибор шуд?
Дар Русия ба Қонуни федералӣ “Дар бораи бехатарии ҳаракат дар роҳ” тағйирот ворид гардид ва аз 1-уми апрели соли равон мавриди амал қарор мегирад. Яке аз тағйирот дар ин қонун эътироф нашудани шаҳодатномаҳои ронандагии миллӣ ва байналмилалӣ аст, аз ҷумла шаҳодатномаи ронандагии Тоҷикистон.
Шаҳодатномаи ронандагӣ дар ҳолатҳои зерин беэътибор мешавад: - пас аз як сол аз лаҳзаи гирифтани Ҳуҷҷати иҷозаи зист (ВНЖ) ё дарёфти шаҳрвандии Русия; - пас аз як сол аз лаҳзаи вуруди соҳиби он барои иқомати доимӣ дар Русия, ки шаҳрванди Русия мебошад. Масалан, агар то 1-уми апрели соли 2024 ронанда беш аз як сол шаҳрванди Русия ҳисобида шаваду бо шаҳодатномаи ронандагии хориҷӣ воситаи нақлиёташро идора кунад, пас ба ӯ лозим меояд, ки ҳуҷҷаташро фавран иваз намояд. Агар ӯ танҳо як моҳ пеш шаҳрвандӣ гирифта бошад, барои иваз кардан 11 моҳи дигар вақт ҳаст. Истисно танҳо барои шаҳрвандони Беларус пешбинӣ шудааст. Онҳое, ки мошини сабукрав доранду шаҳрванди кишвари дигаранд, бояд дар Сарнозироти бехатарии ҳаракат дар роҳ (ГИБДД) аз назария имтиҳон супоранд. Имтиҳони амалӣ супоридан лозим намеояд. Аммо барои ронандаи автобус, автомашинаҳои боркаш ё қатораҳои воситаҳои нақлиёт ҳатман супоридани имтиҳони амалӣ лозим мешавад. Инчунин, сарфи назар аз категорияҳои шаҳодатнома, аз муоинаи тиббӣ гузаштан муҳим аст. Ронандагоне, ки шаҳодатномаи ронандагиро иваз накарда, ба кор идома медиҳанд, аз 5 то 15 ҳазор рубл ҷарима месупоранд.
