Табрики муфтии Ҷумҳурии Доғистон Шайх Аҳмад Пир ба муносибати иди саиди Фитр

Ин рӯзи муборак барои мусалмон таҷассумгари сипос ба Офаридгори бузург, барои имкони рӯзадорӣ, намози нофила, кумак ба ниёзманд ва ғайра мебошад.
 Дар ин моҳи муборак муъминони ҷаҳон аз хӯрдану нӯшидан, аз ҳар чизе, ки рӯзаро мешиканад, парҳез карда, дар назди Офаридгори оламиён фурӯтанӣ нишон дода, ба амри Ӯ пайравӣ намуда, умед ба раҳмати бепоёни Ӯ доранд.

Ҳар сол миллион диндор дар ин моҳ робитаи бародаронаро таҳким бахшида, ба дигарон саховатмандиву раҳму шафқат ва ҳамдардии хоса зоҳир намуда, ба камбағалу бечора кумак мекунанд. Шомона (ифтор) ташкил карда, дар он ҳар кас метавонад дар поёни рӯз нӯши ҷон кунад. Худованд ҳар як амали хайрро қабул гардонад, баракати бепоён низ ато фармояд.

Боиси хушнудист, ки дар чунин чорабинӣ намояндаи гуногуни ҷомеа, аз шаҳрдорон то шаҳрвандон ширкат мекунанд. Ҳамаро як хоҳиши муштараки ба ҳамдигар муфид дошта, изҳори шодмонӣ дар фарорасии моҳи раҳмату баракати Парвардигор муттаҳид месозад. Чунин вохӯрӣ ба ваҳдати мардум, таҳкими робитаҳои бародаронаи мардумро зиёда карда, эҳёи рӯҳияи ватандӯстӣ ва муҳаббат ба Ватанро низ мустаҳкам мекунанд.

Офаридгорро ситойиши беандоза дорам, ки ба мо имкон дод то, ки ин айёми муборакро бубинем. Аз Ӯ таманно дорам, ки дар соли оянд моро аз ин раҳмати худ маҳрум насозад.
 Худованди мутаъол тамоми гуноҳони моро биомурзад, рӯзаву намозу закот ва ҳамаи амали хайри дар ин моҳи шариф кардаро қабул гардонад ва савоби онро чандин баробар созад!

Бигзор ахлоқу амали нек, ки дар моҳи Рамазон ба даст овардаем, то абад бо мо бимонад ва ҳар гуна гуноҳу амали бад, ки аз он раҳо кардаем, ҳаргиз ба сари мо барнагардад!

Аз Худованди мутаъол ба хотири ин моҳи муборак талаб мекунам, ки моро аз мусибату бадбахтӣ, ҷангу ҷидол дар паноҳаш нигоҳ дорад ва ба ҳамаи онҳое, ки ҳоло дар роҳи сулҳу некӣ ва адолат мубориза мебаранд, сабру тоқат ато намояд. Омин!