Муҳаққиқи тоҷик дар Корея соҳиби ҷоизаи тиллоӣ шуд

Муҳаққиқи тоҷик дар Корея соҳиби ҷоизаи тиллоӣ шуд

Мижгона Шарофова, доктори илмҳои тиб, мудири озмоишгоҳи растаниҳои шифобахш ва фарматсевтикаи Институти ботаника, физиология ва генетикаи растании Академияи миллии илмҳои Тоҷикистон, дар намоишгоҳи байналмилалии ихтироъкорони зан дар Корея барои ихтирои илмии худ сазовори ҷоизаи тиллоӣ гардид.

Тибқи шаҳодатномаи пешниҳодшуда, ки 18 июли соли 2026 дар Корея дода шудааст, Ҷоизаи тиллоӣ (Gold Prize) ба Мижгона Шарофова, намояндаи Тоҷикистон, барои ихтирои илмии «Истифодаи экстракти Inula rhizocephala Schrenk барои боздоштани афзоиш ва муҳоҷирати ҳуҷайраҳои эндометриоз дар шароити in vitro» тақдим гардидааст.

Мижгона Шарофова доктори илмҳои тиб буда, ба ҳайси мудири озмоишгоҳи растаниҳои шифобахш ва фарматсевтикаи Институти ботаника, физиология ва генетикаи растании Академияи миллии илмҳои Тоҷикистон фаъолият мекунад. Ӯ соли 2025 бо медали «Хизмати шоиста» низ сарфароз гардидааст.

Ихтирои пешниҳодшуда натиҷаи таҳқиқоти муҳаққиқи тоҷик дар самти омӯзиши имкониятҳои истифодаи моддаҳои табиӣ барои пешгирӣ ва маҳдуд намудани афзоишу муҳоҷирати ҳуҷайраҳои эндометриоз мебошад.

Сазовор шудани ин таҳқиқот ба Ҷоизаи тиллоӣ дар намоишгоҳи байналмилалӣ аз аҳамияти илмӣ ва навоваронаи он шаҳодат дода, ҳамзамон барои муаррифии дастовардҳои олимони Тоҷикистон дар арсаи байналмилалӣ муҳим арзёбӣ мешавад.

2026-10-01 (Рабиул ахири соли 1448) №10.


Муҳоҷирон ба Русия бештар даромад оварданд

Дар ним сол аз ҳисоби муҳоҷирон ба буҷети Русия 321 миллиард рубл ворид шудааст, ки нисбат ба як соли пеш 30% зиёд мебошад.   Ин нуктаро Андрей Кикот, муовини аввали вазири корҳои дохилии Русия дар вохӯрӣ бо Владимир Путин, президенти Русия зикр кард. Ба гуфтаи ӯ, аз ин маблағ, зиёда аз 60...


Беш аз 23,6 миллион рубл музди меҳнати муҳоҷирон баргардонида шуд

Дар ҳафт моҳи соли 2026 дар натиҷаи фаъолияти Намояндагӣ оид ба масъалаҳои пардохт нашудани музди меҳнати муҳоҷирони меҳнатӣ – шаҳрвандони Тоҷикистон дар Федератсияи Русия, ба муҳоҷирони тоҷик 23 миллиону 655 ҳазору 452 рубл маблағи музди меҳнати пардохтнашуда баргардонида шудааст. Ин маблағ...


Санбӯсаҳои зудпази картошкагӣ

Маҳсулоти лозима: 100 грамм панири тарошида, 700–800 грамм картошка, як бандча кабудӣ, 1 дона пиёз.   Барои хамир: 2 дона тухм, 2 истакон орд, 1 қошуқча намак, 1 истакон кефир. Тарзи таҳия: Картошкаро тоза карда, дар об пазед ва аз он картошкаи кӯфта тайёр кунед. Пиёзро майда реза...


Муштзанҳои тоҷик ба Бозиҳои ХХ-уми Осиё мераванд

Аз 19-уми сентябр то 4-уми октябр дар шаҳрҳои Айтӣ ва Нагояи Ҷопон Бозиҳои XX-уми Осиё баргузор мегардад. Дар мусобиқа варзишгарони 45 кишвари қора барои 217 маҷмуи нишонҳо мубориза мебаранд. Ҳайати Тоҷикистонро дар мусобиқа 117 варзишгар намояндагӣ мекунанд. Аз намуди бокс дар ин мусобиқаи...


Чипсҳои картошкагӣ

Маҳсулоти лозима: 1-2 дона картошка, 2 қошуқ равғани зайтун, намак ва паприка мувофиқи табъ.   Тарзи таҳия: Картошкаро то ҳадди имкон тунук реза кунед. Барои ин метавонед аз пӯстканак ё комбайн истифода баред. Табақи тафдони хурдмавҷро бо коғази пухтупазӣ пӯшонда, каме равғани зайтун молед....