1,8 миллиард доллар гардиши тиҷорати Тоҷикистон дар 2 моҳ

1,8 миллиард доллар гардиши тиҷорати Тоҷикистон дар 2 моҳ

Тиҷорати хориҷии Тоҷикистон дар ду моҳи аввали соли 2026 тамоюли мусбати рушд нишон додааст. Тибқи гузориши Бонки АвруОсиёии Рушд, гардиши тиҷорати хориҷии кишвар дар моҳҳои январ – феврал ба 1,8 миллиард доллар расид, ки нисбат ба ҳамин давраи соли гузашта 27,3 фоиз зиёд мебошад.

Ба иттилои манбаъ, ҳаҷми содироти кишвар 30,2 фоиз афзоиш ёфтааст. Ин пешрафт асосан аз ҳисоби зиёд шудани содироти маҳсулоти маъдан, аз ҷумла семент, консентрати маъдан ва нерӯи барқ (131%), инчунин металлҳои қиматбаҳо (208%) ва маҳсулоти бофандагӣ (32%) ба даст омадааст. Ҳаҷми воридот низ дар ин давра 26,6 фоиз афзоиш ёфтааст. Таҳлилгарон ин равандро бо баланд шудани талаботи дохилӣ ва афзоиши сармоягузорӣ вобаста медонанд. Аз ҷумла, воридоти мошинҳо ва таҷҳизот ба кишвар 49,3 фоиз зиёд шудааст.

Мутахассисон таъкид мекунанд, ки густариши тиҷорати хориҷӣ яке аз омилҳои муҳими рушди иқтисоди миллӣ боқӣ мемонад. Тибқи пешгӯиҳои Бонки АвруОсиёии Рушд, дар соли 2026 рушди иқтисоди Тоҷикистон ба 8,1 фоиз мерасад.

Дар ҳамин росто, Вазорати рушди иқтисод ва савдои Тоҷикистон иттилоъ медиҳад, ки дар даҳ соли охир нишондиҳандаҳои макроиқтисодии кишвар устувор буда, рушди босуръати иқтисоди миллӣ таъмин гардидааст. Дар ин давра ҳаҷми маҷмуи маҳсулоти дохилӣ (ММД) 3,4 баробар афзоиш ёфта, суръати миёнасолонаи рушди иқтисод 7,6 фоизро ташкил додааст.

Бо мақсади таъмини рушди устувори иҷтимоию иқтисодӣ аз ҳамаи сарчашмаҳои маблағгузорӣ зиёда аз 670 миллиард сомонӣ равона гардидааст, ки аз ин маблағ 159 миллиард сомонӣ сармояи хориҷиро ташкил медиҳад.

Ҳамчунин, нишондиҳандаи ММД ба ҳар сари аҳолӣ аз 6 ҳазор сомонӣ дар соли 2015 то 16,4 ҳазор сомонӣ дар соли 2025 афзоиш ёфтааст. Дар ҳамин давра шумораи аҳолӣ 26 фоиз зиёд шуда, ба 10,7 миллион нафар расидааст. Сатҳи камбизоатӣ то 19 фоиз коҳиш ёфта, даромади пулии аҳолӣ беш аз шаш баробар афзоиш ёфт. Соли 2025 ҳаҷми даромади аҳолӣ ба 165 миллиард сомонӣ баробар шуд.

Дар маҷмуъ, соли 2025 ҳаҷми ММД-и кишвар ба 173 миллиард сомонӣ расида, суръати рушди воқеии иқтисоди миллӣ 8,4 фоизро ташкил додааст.

2026-11-01 (Ҷимодул-аввали соли 1448) №11.


Гули бобуна ба кадом дардҳо давост?

Аксари табибон ҳангоми бемориҳои гуногун ба беморон нӯшидани гиёҳоби бобуна (ромашка)-ро тавсия медиҳанд. Мехоҳам донам, ки бобуна чӣ фоида дорад?   Посух: - Гули бобуна дар ҳақиқат хусусиятҳои табобатии зиёде дорад. Ин гиёҳи мӯъҷизанокро дар саросари Тоҷикистон пайдо кардан мумкин атс,...


Дар Санкт-Петербург фаъолияти муҳоҷиронро дар чанд соҳаи корӣ маҳдуд карданд

Мақомоти шаҳри Санкт-Петербург барои шаҳрвандони хориҷие, ки дар асоси патент фаъолият мекунанд, дар як қатор соҳаҳо маҳдудияти кор ҷорӣ намуданд. Ин манъкунӣ соҳаҳои тиб, савдои чакана, сартарошхонаҳо, кошонаҳои ҳусн, толорҳои варзишӣ ва марказҳои солимгардониро дар бар мегирад. Тибқи қарори...


Поянда бод Бахтномаи миллати тоҷик — Конститутсияи Ҷумҳурии Тоҷикистон!

Конститутсия баёнгари иродаи халқи Тоҷикистон ва дастоварди бузурги миллати тоҷик аст. Бо қабули ин санад роҳи рушди давлатдории миллии тоҷикон муайян гардид. Сиёсатшиносони дохилу хориҷӣ онро аз беҳтарин конститутсияҳои ҷаҳон эътироф кардаанд. Конститутсия 6 ноябри соли 1994 бо овоздиҳии...


5 ғизои муфид барои фаъолияти мағзи сар

Мағзи сар яке аз узвҳои асосӣ ва сермасрафи бадан аст ва барои фаъолияти дуруст ба ғизо, об ва микроэлементҳои зарурӣ ниёз дорад. Вақте организм аз ин моддаҳо камбудӣ эҳсос мекунад, инсон зуд хаста мешавад, диққаташ парешон мегардад ва қобилияти хотира метавонад коҳиш ёбад.   Мутахассисони...


Пешниҳоди муфтӣ: ҷавонон бояд пеш аз издивоҷ давраи омӯзишӣ гузаранд

Саидмукаррам Абдуқо-дирзода, раиси Шурои уламои Маркази исломии Тоҷикистон дар як суханронии ахири худ аз афзоиши ҷудошавии оилаҳои ҷавон изҳори нигаронӣ карда, пешниҳод намудааст, ки ҷавонон пеш аз издивоҷ дар бораи оиладорӣ китоб хонанд ва ҳатто аз як давраи кӯтоҳи омӯзиши зиндагии муштарак...